పార్కులో ఎంజాయ్ చేసిన ఎలుగుబంటి పిల్ల‌లు.. వైర‌ల్ వీడియో..!

ఏం.. కేవ‌లం మ‌నుషుల‌కు మాత్రమే ఎంట‌ర్‌టైన్‌మెంట్‌.. ఎంజాయ్‌మెంట్ కావాలా..? జ‌ంతువుల‌కు అవ‌స‌రం లేదా..? అవి రిలాక్స్ కావ‌ద్దా..? అని అనుకున్నాయో.. ఏమో.. తెలియ‌దు కానీ.. ఆ ఎలుగుబంటి, త‌న 5 పిల్ల‌ల‌తో క‌లిసి ఓ ఇంటి వెనుక భాగంలో ఉన్న తోట‌లో కాసేపు స‌ర‌దాగా గ‌డిపాయి. ఆ ఎలుగుబంటికి చెందిన పిల్ల‌లు అక్క‌డే ఉన్న జారుడు బ‌ల్ల‌పై జారుతూ ఆట‌లాడుకున్నాయి. ఇక త‌ల్లి ఎలుగుబంటి వాటి ఆట‌ను వీక్షిస్తూ ఎంజాయ్ చేసింది.

bear and its five cubs enjoyed in garden

ఏంటీ.. న‌మ్మ‌బుద్ధి కావ‌డం లేదా.. అయితే పోస్టులో ఇచ్చిన వీడియోను గ‌మ‌నించండి. మీకే తెలుస్తుంది. చూశారు క‌దా.. ఆ ఎలుగుబంటి, దాని పిల్ల‌లు ఎలా ఎంజాయ్ చేస్తున్నాయో. అవును.. ఈ సంఘ‌ట‌న అమెరికాలోని నార్త్ క‌రోలినాలో చోటు చేసుకుంది. ఓ ఇంటి వెనుక భాగంలో ఉన్న తోట‌లో ఏర్పాటు చేసిన ఆట వ‌స్తువుల‌తో అలా ఆ ఎలుగుబంటి పిల్ల‌లు ఆడుకున్నాయి. అదే స‌మయంలో తీసిన ఆ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.

అయితే ఇక్క‌డ ఆస‌క్తిక‌ర‌మైన విష‌యం మ‌రొక‌టి ఉంది. అదేమిటంటే.. ఆ ఎలుగుబంటికి చెందిన ఐదు పిల్ల‌ల్లో 3 మాత్ర‌మే ఆ ఎలుగుబంటికి చెందిన‌వ‌ట‌. మిగిలిన రెండు పిల్ల‌లు వేరే ఎలుగుబంటివ‌ట‌. వాటికి త‌ల్లి లేక‌పోవ‌డంతో ఆ పిల్ల‌ల‌ను కూడా ఈ ఎలుగుబంటి వ‌ద్దే చేర్చారు. అయిన‌ప్ప‌టికీ ఈ ఎలుగుబంటి వాటిని కూడా త‌న పిల్ల‌ల్లాగే చూసుకుంటోంది. అవును మ‌రి.. ఎంతైనా త‌ల్లి ప్రేమ త‌ల్లి ప్రేమే క‌దా..!