నాన్‌వెజ్‌లో చేపలు ఆరోగ్యానికి ఎంతో మంచివి..ఇవి వారానికి రెండు మూడు రోజులు తిన్నా ఎలాంటి సమస్య ఉండదు.. కానీ కొంతమందికి చేపలు తినడం అంత నచ్చదు. చేపలను తినడానికి ఇష్టపడని వారు ఫిష్ ఆయిల్‌ను వాడొచ్చు. చేప నూనె అన్ని మెడికల్ షాపుల నుండి పసుపు గుళిక రూపంలో లభిస్తుంది. కాడ్ లివర్ ఆయిల్ సాల్మన్, మాకేరెల్, హెర్రింగ్ మొదలైన కొవ్వు చేపల నుండి తీసుకోబడింది. ఒమేగా-3 కొవ్వు ఆమ్లాలు మరియు ఇతర పోషకాల మూలం, చేప నూనెను సప్లిమెంట్‌గా తీసుకోవడం వల్ల శరీరానికి చేపలు తినడంతో సమానమైన ఆరోగ్య ప్రయోజనాలు లభిస్తాయట. చేప నూనె తింటే ఎలాంటి లాభాలు కలుగుతాయో చూద్దాం.
గుండె ఆరోగ్యం
ఒమేగా-3 కొవ్వు ఆమ్లాల మూలమైన చేప నూనెను తీసుకోవడం వల్ల రక్తపోటు తగ్గుతుంది. గుండె ఆరోగ్యాన్ని కాపాడుతుంది.
మెదడు ఆరోగ్యం
ఒమేగా-3 ఫ్యాటీ యాసిడ్స్ మరియు ఇతర పోషకాలు పుష్కలంగా ఉన్న చేప నూనె జ్ఞాపకశక్తికి మరియు మెదడు ఆరోగ్యానికి మంచిది.
కంటి ఆరోగ్యం
విటమిన్ ఏ, ఒమేగా-3 ఫ్యాటీ యాసిడ్స్ పుష్కలంగా ఉండే చేప నూనెను ఆహారంలో చేర్చుకోవడం వల్ల కంటిశుక్లం వచ్చే ప్రమాదాన్ని తగ్గించి, కంటి ఆరోగ్యాన్ని కాపాడుకోవచ్చు.
ఎముకల ఆరోగ్యం
వయసు పెరిగే కొద్దీ చాలామందికి వచ్చే సమస్యల్లో ఒకటి ఎముకల క్షీణత. చేప నూనెలోని విటమిన్ డి ఎముకలను బలోపేతం చేయడానికి మరియు వాటికి సంబంధించిన గాయాలను నివారించడానికి ఒక అద్భుతమైన మార్గం. చేపనూనెలో ఉండే ఒమేగా-3 ఫ్యాటీ యాసిడ్‌లు, విటమిన్ డి ఇందుకు సహకరిస్తాయి.
వ్యాధి నిరోధకత
ఫిష్ ఆయిల్ విటమిన్ ఎ పోషకాల యొక్క గొప్ప మూలం. కాబట్టి వీటిని తినడం వల్ల రోగనిరోధక శక్తి కూడా పెరుగుతుంది.
చర్మం
ఒమేగా-3 ఫ్యాటీ యాసిడ్స్, ఇతర విటమిన్లు కలిగిన చేప నూనె మాత్రలు తీసుకోవడం వల్ల చర్మ ఆరోగ్యానికి కూడా మేలు చేకూరుతుంది.
