ప్రతి ఒక్కరు కూడా ఆరోగ్యకరమైన చిట్కాలను పాటిస్తూ ఉండాలి. మన ఆరోగ్యం బాగుండాలంటే ఖచ్చితంగా కొన్ని సూత్రాలని ఫాలో అవడం మంచిది. అప్పుడు ఆరోగ్యం దెబ్బతినకుండా ఉంటుంది. ఉదయాన్నే ఈ విధంగా అనుసరించడం వల్ల ఆరోగ్యం బాగుంటుంది పైగా అనారోగ్య సమస్యలు కూడా రావు. అయితే మరి ఆరోగ్యాన్ని ఎలా పెంపొందిచుకోచ్చు అనేదాని గురించి ఇప్పుడు చూద్దాం. వీటిని అనుసరించడం వల్ల బరువు కూడా తగ్గవచ్చు.
టీ లేదా కాఫీతో మీ రోజున మొదలు పెట్టకండి:
టీ లేదా కాఫీ తో చాలామంది రోజును ప్రారంభిస్తారు కానీ అలా చేయొద్దు. దీనివల్ల ఏమవుతుందంటే యూరిన్ ప్రొడక్షన్ ఎక్కువయ్యి డిహైడ్రేషన్ సమస్య కలుగుతుంది. ఉదయాన్నే లేచిన తర్వాత గోరువెచ్చని నీటిని తాగండి. అందులో నిమ్మరసంని యాడ్ చేసుకుంటే మెటబాలిజం బాగా ఉంటుంది. బరువు కూడా తగ్గవచ్చు.
ప్రోటీన్ ఎక్కువగా ఉండే బ్రేక్ఫాస్ట్ తీసుకోండి:
బ్రేక్ ఫాస్ట్ తీసుకునేటప్పుడు అందులో ప్రోటీన్స్ ఎక్కువగా ఉండేటట్లు చూసుకోండి. ఒకవేళ మీరు కార్బోహైడ్రేట్స్ ఎక్కువగా తీసుకున్నట్లయితే మీకు ఆకలి ఎక్కువ ఉంటుంది పైగా క్రేవింగ్స్ పెరుగుతాయి. దీంతో వీరు షుగర్ ఎక్కువ తీసుకుంటారు. బరువు కూడా పెరిగి పోతారు.
ఎక్కువ నీళ్ళు తీసుకోండి:
ఎక్కువ నీళ్లు తీసుకుంటే ఆరోగ్యం బాగుంటుంది రోజు లేచిన తర్వాత గ్లాసు లేదా రెండు గ్లాసులు నీళ్ళు తాగండి. ఇది ఆకలిని తగ్గిస్తుంది పైగా టాక్సిన్స్ ను తొలగిస్తుంది.
వ్యాయామం చేయండి:
రోజూ వ్యాయామం చేయడం వల్ల ఆరోగ్యం బాగుంటుంది. అల్పాహారం తీసుకునే ముందే వ్యాయామం చేస్తే క్యాలరీలు కరుగుతాయి. అలానే మెటబాలిజం బాగుంటుంది. ఆకలి తగ్గుతుంది. ఇలా మీరు రోజు అనుసరించడం వల్ల ఆరోగ్యం బాగుంటుంది పైగా ఆరోగ్యంగా బరువు తగ్గొచ్చు.
