హనుమంతుడికి తనలో ఉన్న శక్తి గురించి తెలియదట.. ఎప్పుడు పక్కన ఎవరో ఒకరు చెప్పాలి.. నువ్వు చేయగలవు అంటే.. చేస్తాడట. మనుషులు కూడా అంతే.. మనకు ఎవరైనా ఫుల్‌గా మోటివేట్‌ చేస్తే..అప్పుడు మనకు తెలియని ధైర్యం వస్తుంది. సాధింగలను అన్న నమ్మకం వస్తుంది.. డబ్బులు సంపాదించాలి అని మీరు కూడా సోషల్‌ మీడియాలో వీడియోలు చేస్తున్నారా..? అయినా వ్యూస్‌ రావడం లేదు.. ఎవరూ ఫాలో కొట్టడం లేదు అని చింతిస్తున్నారా..? మీ లాంటి వాళ్ల కోసమే.. ఈ స్టోరీ..! రోజుకు రూ.250 సంపాదించే ఓ కూలీ.. ఇప్పుడు కోట్లు సంపాదిస్తున్నాడు.. కేవలం సోషల్‌ మీడియా వల్లనే..! ఈ సక్సస్‌ స్టోరీ గురించి ఇప్పుడు తెలుసుకుందాం..!
ఐజాక్ ముండా.. ఇప్పుడు సోషల్‌ మీడియా సంచలనం ఈ పేరు..కూలీ నుంచి బిలియనీర్‌ వరకూ ఎదిగాడు. రీల్స్‌, వీడియోలు చేసి డబ్బు సంపాదించేది సెలబ్రిటీలే కాదు.. బదులుగా, సాధారణ ప్రజలు తమ ప్రతిభను ప్రదర్శించడానికి ఇది ఉత్తమ వేదిక. కూలీలు, కింది తరగతి ప్రజలు ఇలాంటి వీడియోలతో వైరల్‌గా మారారు. అదేవిధంగా, ఒడిశాకు చెందిన రోజువారీ కూలీ ఐజాక్ ముండా తన యూట్యూబ్ ఛానెల్ ద్వారా ఇంటర్నెట్‌లో విస్తృతంగా దృష్టిని ఆకర్షించాడు.
కోవిడ్ -19 మహమ్మారి వ్యాప్తి చెందడం ప్రారంభించినప్పుడు ఐజాక్ అనే కార్మికుడు ఉద్యోగం లేకుండా పోయాడు. కుటుంబ అవసరాలకు సరిపడా డబ్బు కూడా వారి వద్ద లేదు. ‘రోజువారీ కూలీగా పనిచేస్తూ రోజుకు రూ.250 సంపాదిస్తున్నాను. కానీ కోవిడ్ -19 వ్యాప్తి కారణంగా.. ఆ డబ్బు కూడా ఆగిపోయింది’ అని ఆయన చెప్పారు.
ఆ సమయంలో యూట్యూబ్ వీడియోల ద్వారా డబ్బు సంపాదించే అవకాశం ఉందని ఐజాక్‌కు తెలిసింది. ఇసాక్ ముండా ఈటింగ్ అనే ఛానెల్‌ని ప్రారంభించాడు. మార్చి 2020లో అతను యూట్యూబ్ ఛానెల్‌ని ప్రారంభించాడు, అక్కడ అతను వివిధ సాంప్రదాయ ఒడిషా వంటకాలు చేసేవాడు. అతను ఒడిశాలో అత్యంత ఫేమస్‌ అయిన పసి భకలాను చేసి యూట్యూబ్‌లో పెట్టాడు.. అది బాగా వైరల్‌ అయింది. అది అతనికి దాదాపు 20,000 మంది సబ్‌స్క్రైబర్‌లను సంపాదించింది. ఇప్పుడు ఐజాక్ యూట్యూబ్ స్టార్.
‘మొదట్లో, నా వీడియోలను ఎవరూ చూడలేదు, కానీ నెమ్మదిగా, ప్రజలు నా వీడియోలను ఇష్టపడటం మరియు చూడటం ప్రారంభించారు’ అని ఐజాక్ చెప్పారు. అమెరికా, బ్రెజిల్, మంగోలియాలోని ప్రజలు ఐజాక్ ముండా వీడియోలను చూస్తారు. అంతే కాదు ప్రధాని నరేంద్ర మోదీ తన మన్ కీ బాత్ రేడియో కార్యక్రమంలో ఐజాక్ ముండాపై ప్రశంసలు కురిపించారు.
ఈ రోజు ఐజాక్ ముండా ఆ విడియోల ద్వారా. .రోజుకు రూ.3 లక్షలు సంపాదిస్తున్నాడు. నా కుటుంబానికి కలలో కూడా ఊహించని జీవితాన్ని ఇచ్చాను’ అని ఐజాక్ ముండా సంతృప్తిగా చెప్పారు. సాధించాలనే సంకల్పం ఉంటే.. ఎలాంటి పనిని అయినా చేయొచ్చు..! కాస్త టైమ్‌ పడుతుంది అంతే.. అంత మాత్రానికే నిరాశతో వెనుతిరగకూడదు అని ఐజాక్ స్టోరీ చెప్తుంది.
