ఈరోజుల్లో ప్రేమ వివాహాలు ఎక్కువగా జరుగుతున్నాయి ప్రేమించుకోవడం పెద్దల్ని ఒప్పించడం లేదంటే పెద్దలను ఎదిరించి పెళ్లి చేసుకోవడం వంటివి చాలా చూస్తున్నాం. అయితే కొంతమంది ప్రేమిస్తారు, ఎదుటి వ్యక్తి కూడా ఆ వ్యక్తిని ప్రేమిస్తారు ఇద్దరికీ ఇద్దరు నచ్చుతారు కానీ ఏదో కారణాల వలన విడిపోవడం, లేకపోతే అమ్మాయి మరొకరిని పెళ్లి చేసుకుని వెళ్లిపోవడం ఇటువంటివి జరుగుతుంటాయి. ఇలా బ్రేకప్ అయినప్పుడు చాలామంది అబ్బాయిలు లేదా అమ్మాయిలు బాధపడుతూ ఉంటారు.
దేనికైనా బానిసరలై పోవడం లేదంటే జీవితమే పోయిందని బాధపడడం దేని మీద ధ్యాస పెట్టకపోవడం ఇటువంటివి చేస్తూ ఉంటారు. కానీ ఇలా చేయడం అస్సలు మంచిది కాదు. బ్రేకప్ నుండి కూడా కొన్ని విషయాలని నేర్చుకోవాలి. నిజానికి బ్రేకప్ ఏ మనకి కొన్ని విషయాలను నేర్పుతుంది. లైట్ తీసుకోమని చెప్పడం సులువే కానీ బ్రేకప్ అయిన తర్వాత దాని నుండి సులువుగా బయటకి రాలేరు.
బ్రేకప్ జరిగిన తర్వాత ప్రశాంతంగా కూర్చుని అసలు ఎందుకు బ్రేకప్ జరిగింది అనేది ఆలోచించాలి. ఏ కారణాలతో మీ మధ్య సంబంధం చెడిపోయింది అనేది మీరు చూసుకోవాలి అలాంటి తప్పులు జరగకుండా మళ్ళీ చూసుకోవాలి. మీలో కొన్ని తప్పులు కూడా ఉంటాయి ఆ తప్పులు వలనే మీకు బ్రేకప్ అయ్యి ఉండొచ్చు. కాబట్టి మీ లోపాలని మీరు తెలుసుకోండి.
వాటిని మళ్లీ మీ జీవితంలో జరగకుండా చూసుకోండి బ్రేకప్ తర్వాత కష్టనష్టాలకి సుఖదుఃఖాలకి మీరే బాధ్యులని గుర్తిస్తారు. లైఫ్ లో ఏదీ శాశ్వతం కాదని మీరు బ్రేకప్ ద్వారా తెలుసుకోవచ్చు. బంధం బాగుండాలంటే ప్రేమ ఒకటి ఉంటే సరిపోదని అంకితభావం, నమ్మకం, నిబద్ధత, మానసిక పరిణితి ఉండాలని బ్రేకప్ ద్వారా మీకు తెలుస్తుంది. బ్రేకప్ అయిన తర్వాత క్షమాగుణం పెరుగుతుంది ఇలా బ్రేకప్ తర్వాత మీరు ఈ విషయాలు అన్నిటిని కూడా నేర్చుకోవచ్చు.
