ప్రాణాలతో చెలగాటం ఆడుతూ లైవ్ రిపోర్టింగ్.. వీడియో వైరల్

ఎవరూ తీసుకురాలేని.. ఏ చానెల్ కవర్ చేయలేని వార్తను నువ్వు తీసుకురావాలి.. అని ప్రొడ్యూసర్ చెప్పడంతో ఇదిగో ఇలా ప్రాణాలకు తెగించి మరీ… వరద నీటిలో రిపోర్టింగ్ చేస్తున్నాడంటూ ఓ జర్నలిస్ట్ తన ట్విట్టర్ ఖాతాలో ఈ వీడియోను షేర్ చేసింది.

మీకు గుర్తుందా? ఓసారి పాకిస్థాన్ కు చెందిన ఓ రిపోర్టర్ గాడిద మీద కూర్చొని రిపోర్టింగ్ చేస్తుంటే.. గాడిద జాడిచ్చి తన్నేసరికి బొక్క బోర్లా పడ్డాడు. అప్పట్లో ఆ ఘటన సంచలనమే సృష్టించింది. తాజాగా మరో రిపోర్టర్ చేసిన వెరైటీ రిపోర్టింగ్ ప్రస్తుతం సోషల్ మీడియాలో వైరల్ గా మారింది.

పాకిస్థాన్ కు చెందిన ఓ రిపోర్టర్ ఏకంగా వరద నీటిలోకి వెళ్లి మరీ రిపోర్టింగ్ చేశాడు. లైవ్ లో వరద నీటిలో సగం వరకు వెళ్లి రిపోర్టింగ్ చేయడం సంచలనం సృష్టించింది. ఎవరూ తీసుకురాలేని.. ఏ చానెల్ కవర్ చేయలేని వార్తను నువ్వు తీసుకురావాలి.. అని ప్రొడ్యూసర్ చెప్పడంతో ఇదిగో ఇలా ప్రాణాలకు తెగించి మరీ… వరద నీటిలో రిపోర్టింగ్ చేస్తున్నాడంటూ ఓ జర్నలిస్ట్ తన ట్విట్టర్ ఖాతాలో ఈ వీడియోను షేర్ చేసింది. దీంతో ఆ వీడియో ప్రస్తుతం సోషల్ మీడియాలో వైరల్ గా మారింది. అంతే కాదు.. నెటిజన్లు ఆ రిపోర్టర్ పై తెగ విరుచుకుపడుతున్నారు. ఏంది బాబు ఇది.

ఏం రిపోర్టింగ్ ఇది. ప్రాణాలకు తెగించి మరీ రిపోర్టింగ్ చేయడం అవసరమా? ప్రతి ఒక్కరికి ఇదో ఫ్యాషన్ అయిపోయింది అంటూ విమర్శిస్తున్నారు.