ప్రపంచంలోనే అత్యంత చిన్న వయస్సులో ప్రధాని అయిన వ్యక్తి ఈమె..!

-

సాధారణంగా ఒక దేశానికి ప్రధాన మంత్రి కావడం అంటే.. చాలా తక్కువ వయస్సు ఉండగానే ఆ పదవి చేపట్టడం ఎవరికీ అంత సులభంగా సాధ్యమయ్యే పని కాదు. అంతకు ముందు ఎన్నో పదవులు చేపట్టి, బాగా వయస్సు అయిపోతే తప్ప ఎవరూ ప్రధాని పదవిని చేపట్టరు. అయితే ఫిన్‌లాండ్‌కు చెందిన ఆ మహిళ మాత్రం చాలా తక్కువ వయస్సులోనే ప్రధాని అయి ప్రపంచ రికార్డును సృష్టించింది. ప్రపంచంలోనే చాలా తక్కువ వయస్సులో ప్రధాని అయిన వ్యక్తిగా పేరు గాంచింది. ఇంతకీ ఆమె ఎవరంటే…

Sanna Marin became World’s Youngest Prime Minister

ఫిన్‌లాండ్‌కు చెందిన 34 ఏళ్ల సన్నా మారిన్ ఆ దేశ ప్రధానిగా పదవీ బాధ్యతలు చేపట్టారు. అంతకు ముందు ఆమె అక్కడ రవాణా శాఖ మంత్రిగా పనిచేశారు. ఇక ఫిన్‌లాండ్‌లోని అతి పెద్ద రాజకీయ పార్టీ అయిన సోషల్ డెమొక్రటిక్ పార్టీ నేతగా ఆమెను ఆ పార్టీ నేతలు ప్రధానిని చేశారు. ఈ క్రమంలోనే ఆమె డిసెంబర్ 10వ తేదీ నుంచి ప్రధానిగా పదవీ బాధ్యతలు నిర్వర్తించనున్నారు. అయితే ప్రపంచంలోనే చాలా చిన్న వయస్సులో ప్రధాని అయిన వ్యక్తిగా మారిన్ రికార్డులకెక్కారు. అంతకు ముందు ఉక్రెయిన్ ప్రధాని ఒలెక్సీ హొంచారుక్ (35 ఏళ్లు) పేరిట ఆ రికార్డు ఉండేది. ఈ క్రమంలో ఆ రికార్డును మారిన్ బద్దలు కొట్టారు.

కాగా హొంచారుక్‌కు ముందు న్యూజిలాండ్ ప్రధాని జసిండా అర్డర్న్ (39 ఏళ్లు) ఆ రికార్డు నెలకొల్పారు. అయితే మారిన్ తాను ప్రధాని అయినా ఏమాత్రం ఆడంబరత, గర్వం ప్రదర్శించకుండా.. హుందాగా వ్యవహరించారు. తాను ప్రధానిని అవుతానని ఎన్నడూ అనుకోలేదని, తనకు వచ్చిన ఈ అవకాశాన్ని సద్వినియోగం చేసుకుంటానని, ప్రజలు తనపై ఉంచిన నమ్మకాన్ని వమ్ము చేయకుండా పనిచేస్తానని.. ఆమె తెలిపారు..!

Read more RELATED
Recommended to you

Latest news