కొత్తది ఏదైనా మనసుకు ఉల్లాసాన్ని, ఉత్సాహాన్ని కలిగిస్తుంది. ఇంకొన్ని రోజుల్లో 2024 సంవత్సరం పూర్తయ్యి 2025లోకి అడుగు పెట్టబోతున్నాం. అయితే కొత్త సంవత్సరంలో కొత్తగా ఏమేం చేయాలని ఈ పాటికి చాలామంది డిసైడ్ అయ్యుంటారు.
కొత్త సంవత్సరాన్ని కొత్తగా స్వాగతం పలికేందుకు అందరూ రెడీ అయ్యారు. పాత సంవత్సరానికి హ్యాపీగా వీడ్కోలు పలకాలంటే కొన్ని పనులు చేయాలి.
డాన్స్ చేయండి:
ఈ సంవత్సరంలో ఒక్కసారైనా మనసారా డాన్స్ చేశారా? కనీసం ఒంటరిగా ఉన్నప్పుడైనా ప్రశాంతంగా స్టెప్స్ వేశారా? ఇప్పటివరకు అలా చేయలేదంటే ఇప్పుడు చేయండి. పాత సంవత్సరం పూర్తవుతున్న వేళ ప్రశాంతంగా కాళ్లు కదపండి.
పాత సామాన్లను పడవేయండి:
మీ షెల్ఫ్ లో కానీ స్టోర్ రూమ్ లో కానీ పాత సామాన్లు ఏమైనా ఉంటే వాటిని బయటపడేయండి. మీరు ఉండే ప్రదేశాన్ని నీట్ గా ఉంచుకోండి. దీనివల్ల మీకు మంచి ఆలోచనలు వస్తాయి. కొత్త సంవత్సరంలోకి వెళ్ళేటప్పుడు మంచి ఆలోచనలు చాలా అవసరం.
ఎక్సర్‍సైజ్ మొదలుపెట్టండి:
ఈ సంవత్సరంలో రకరకాల వ్యాయమాలు చేసి ఉంటారు. కాకపోతే ఈసారి కొత్తది ట్రై చేయండి. ఆ కొత్త వ్యాయామాన్ని కొత్త సంవత్సరంలో కూడా ప్రాక్టీస్ చేయండి.
విజయాలను నెమరు వేసుకోండి:
ఏదైనా పని మొదలు పెట్టేటప్పుడు ఉత్సాహ పూరితమైన మాటలు, ఉత్సాహ పూరితమైన పనులు తలుచుకోవడం మంచిది. కాబట్టి ఈ సంవత్సరంలో మీరు చేసిన విజయాలను తలుచుకోండి.
నడక మరచిపోవద్దు:
నడక చాలా మంచిది. పాత సంవత్సరాన్ని హ్యాపీగా ఎండ్ చేయాలనుకుంటే ఈ కొన్ని రోజులు రోజు కొంత దూరం నడవండి.
