భారతీయ జనతా యువ మోర్చా (బీజేవైఎం) జాతీయ మహాసభలను నేటి నుంచి హైదరాబాద్ పరేడ్ గ్రౌండ్ లో నిర్వహించనున్నారు. ఈ కార్యక్రమంలో కేంద్ర హోంమంత్రి రాజ్ నాథ్ సింగ్ పాల్గొని ప్రారంభ ఉపన్యాసం చేస్తారు. దేశ వ్యాప్తంగా వివిధ ప్రాంతాల నుంచి ఇప్పటికే నగరానికి దాదాపు 40 వేలకు పైగా బీజేవైఎం ప్రతినిథులు చేరుకున్నారు. రెండు రోజుల పాటు జరగనున్న ఈ సమావేశాల్లో వివిధ అంశాలను చర్చించనున్నారు. ముగింపు రోజున భాజపా జాతీయ అధ్యక్షుడు అమిత్ షా పాల్గొంటారు.
