తెలంగాణ రాష్ట్రంలో కరోనా కేసుల సంఖ్య క్ర‌మంగా త‌గ్గుతూ వ‌స్తుంది. ప్ర‌తి రోజు కేసుల సంఖ్య త‌గ్గుముఖం ప‌డుతున్నాయి. రాష్ట్రంలో కరోనా వైర‌స్ వ్యాప్తి దాదాపు ముగిసినట్టు క‌నిపిస్తుంది. రాష్ట్రంలో గ‌త కొద్ది రోజుల నుంచి 50 లోపే పాజిటివ్ కేసులు న‌మోదు అవుతున్నాయి. ఈ రోజు కరోనా వైర‌స్ బులిటెన్ ను తెలంగాణ రాష్ట్ర వైద్య ఆరోగ్య శాఖ అధికారులు కాసేప‌టి క్రితం విడుద‌ల చేశారు. ఈ కరోనా బులిటెన్ ప్ర‌కారం.. తెలంగాణ రాష్ట్రంలో గ‌డిచిన 24 గంట‌ల్లో కేవ‌లం 17 కరోనా వైర‌స్ పాజిటివ్ కేసులు మాత్ర‌మే వెలుగు చూశాయి.
అలాగే ఈ రోజు కూడా రాష్ట్రంలో కరోనా మ‌ర‌ణాలు వెలుగు చూడ‌లేదు. కాగ గ‌త రెండు నెల‌ల నుంచి రాష్ట్రంలో కరోనా మ‌ర‌ణాలు న‌మోదు కావ‌డం లేదు. ఈ రోజు తెలంగాణ రాష్ట్ర వ్యాప్తంగా 36 మంది కరోనా వైర‌స్ బాధితులు కోలుకున్నారు. దీంతో రాష్ట్రంలో ప్ర‌స్తుతం 271 కరోనా యాక్టివ్ కేసులు మాత్ర‌మే ఉన్నాయి. కాగ గ‌డిచిన 24 గంట‌ల్లో తెలంగాణ రాష్ట్ర వ్యాప్తంగా 15,675 కరోనా నిర్ధార‌ణ పరీక్షలు నిర్వ‌హించారు.
