విజయవాడ ఇందిరాగాంధీ మున్సిపల్‌ స్టేడియంలో రిపబ్లిక్ డే వేడుకలు జ‌రుగ‌నున్న నేపథ్యంలో ఈ కార్యక్రమానికి సంబంధించి అధికారులు అన్ని ఏర్పాట్లు చేస్తున్నారు. కాగా.. ఈ రిపబ్లిక్ డే వేడుకలకు ఏపీ సీఎం జగన్ పాల్గొననున్నారు. తాడేపల్లి లోని ఆయన నివాసం నుంచి సీఎం జగన్ ఉదయం 8.50 గంటలకు బయలుదేరుతారు. ఈ వేడుకలకి గవర్నర్ అబ్దుల్ నజీర్‌ కూడా హాజరు కానున్నారు. ఈ కార్యక్రమం ముగిసిన అనంతరం తాడేపల్లికి తిరిగి బయలుదేరుతారు.తర్వాత సాయంత్రం 4.15 గంటలకు రాజ్‌భవన్‌లో గవర్నర్ ఆతిథ్యం ఇచ్చే కార్యక్రమంలో పాల్గొంటారు.
శుక్రవారం ఉ.8 గం.లకు ఏపీ అసెంబ్లీ భవనం ప్రాంగణంలో శాసన మండలి అధ్యక్షుడు కె.మోషేన్ రాజు రిపబ్లిక్ డే వేడుకలలో పాల్గొని జాతీయ జెండాను ఆవిష్కరిస్తారు. అసెంబ్లీ స్పీకర్ తమ్మినేని సీతారాం ఉ.8.15 గం.లకు రాష్ట్ర అసెంబ్లీ భవనం వద్ద జాతీయ జెండాను ఆవిష్కరిస్తారు.
