నిర్దిష్ట సమాచారం మేరకు వరంగల్ శివనగర్లోని ఓ పండ్ల వ్యాపారి ఇంట్లో టాస్క్ఫోర్స్ పోలీసులు తనిఖీలు నిర్వహించారు. ఈ దాడిలో… సుమారు కోటి 7 లక్షలు రూపాయాలు బయటపడ్డాయి. నగదుకు సంబంధించిన ఎటువంటి పత్రాలు లేకపోవడం వల్ల పోలీసులు స్వాధీనం చేసుకున్నారు. ఈ తనిఖీలు వేకువజామున జరిపినట్లు మిల్స్ కాలనీ సీఐ తెలిపారు.
మూడు రోజుల క్రితం.. ఆంధ్రాలో తన స్థలాన్ని అమ్మగా వచ్చిన డబ్బుని ఇంట్లో పెట్టినట్లు వ్యాపారి తెలిపారు. సంబంధిత పత్రాలు చూపించలేకపోయారని పోలీసులు.. డబ్బును సీజ్ చేశారు. స్వాధీనం చేసుకున్న నగదును పోలీసులు ఐటీ శాఖకు అప్పగించనున్నారు. గత 20 సంవత్సరాలుగా వరంగల్ పండ్ల మార్కెట్లో మధుసూదన్రెడ్డి.. అరటి, మామిడి, దానిమ్మ వ్యాపారం చేస్తున్నారు. ఉమ్మడి వరంగల్ జిల్లాలోనే మొట్టమొదటి అరటిపండ్ల శీతల గిడ్డంగి ఏర్పాటు చేశారు. వరంగల్ ఛాంబర్ ఆఫ్ కామర్స్ సభ్యునిగా కూడా కొనసాగుతున్నారు.
