వైఎస్సార్ కాంగ్రెస్ పార్టీ నేత, తిరుమల తిరుపతి దేవస్థానం (టీటీడీ) చైర్మన్ వైవీ సుబ్బారెడ్డి షాకిచ్చారు. శనివారం ఆయన ఇంట్లో అఘోరాలు ప్రత్యక్షమయ్యారు.
వైఎస్సార్ కాంగ్రెస్ పార్టీ నేత, తిరుమల తిరుపతి దేవస్థానం (టీటీడీ) చైర్మన్ వైవీ సుబ్బారెడ్డి షాకిచ్చారు. శనివారం ఆయన ఇంట్లో అఘోరాలు ప్రత్యక్షమయ్యారు. ఆయన అఘోరాల ఆశీర్వచనాలు తీసుకుంటున్న ఫొటో ఒకటి సోషల్ మీడియాలో వైరల్ అవుతోంది. వివరాల్లోకి వెళితే…
హిమాలయాల నుంచి వచ్చిన అఘోరాలు కొందరు శనివారం వైవీ సుబ్బారెడ్డి ఇంటికి వెళ్లారు. విజయవాడలో ఉన్న వైవీ ఇంటికి వారు ఆయన ఆహ్వానం మేరకే వెళ్లినట్లు తెలిసింది. ఈ క్రమంలోనే వైవీతోపాటు ఆయన కుటుంబ సభ్యులు కలిసి అఘోరాల సమక్షంలో ప్రత్యేక పూజలు చేశారట. అనంతరం వారి ఆశీర్వాదాలు కూడా తీసుకున్నారట. ఈ క్రమంలోనే వైవీ అఘోరాల ఆశీర్వాదం తీసుకుంట్ను ఫొటోలు ఇప్పుడు నెట్‌లో హల్‌చల్ చేస్తున్నాయి. అయితే ఈ సంఘటన చాలా మందిని షాక్‌కు గురి చేస్తోంది.
గతంలో చంద్రబాబు హయాంలో ఓ టీడీపీ నేత ఇంట్లో కూడా ఇలాగే అఘోరాలు పూజలు చేశారని అప్పట్లో వార్తలు వచ్చాయి. అప్పుడు ఆ ఘటన పెను సంచలనం సృష్టించింది. ఈ క్రమంలోనే ఇప్పుడు ఏకంగా టీటీడీ చైర్మన్ ఇంట్లోనే అఘోరాలు కనిపించడంతో అందరూ విస్మయానికి గురవుతున్నారు. మరి దీనిపై వైసీపీ నాయకత్వం ఏమని స్పందిస్తుందో చూడాలి..!
