తెలంగాణ వ్యాప్తంగా గ్రూప్-3 పరీక్షలు ప్రారంభం అయ్యాయి. ఒక్క నిమిషం ఆల్యమైనా అధికారులు పరీక్షకు అనుమతించడం లేదని తెలుస్తోంది. ములుగులోని బ్రిలియంట్ స్కూల్ సెంటర్‌‌లో ఆలస్యంగా రావడంతో గ్రూప్-3 అభ్యర్థులు దీపిక, స్నేహిత పరీక్షకు దూరం అయ్యారు. పరీక్షా కేంద్రంలోకి అనుమతించకపోవడంతో సెంటర్ వద్దే అభ్యర్థులు కన్నీరుమున్నీరయ్యారు.
ఆదివారం ఉదయం ప్రారంభమైన పరీక్షలో పేపర్-1, పేపర్-2 పరీక్షలు జరగనున్నాయి. పరీక్ష నిర్వహణకు సంబంధించి టీజీపీఎస్సీ అధికారులు ఇప్పటికే వారికి సూచనలు సైతం చేశారు. అయినప్పటికీ అభ్యర్థులు ఆలస్యంగా రావడంతో వారికి భంగపాటు తప్పలేదు. గ్రూప్-3 పరీక్షకు మొత్తం మూడు పేపర్లు ఉండగా.. నేడు రెండు పేపర్లకు పరీక్షలు జరగనున్నాయి.
