ఐకాన్ స్టార్ అల్లు అర్జున్కు సినిమాల్లోనే కాకుండా సోషల్ మీడియాలోనూ చాలా మంది ఫ్యాన్స్ ఉన్నారు. తన సోషల్ మీడియా ఫ్యాన్స్ కోసం అల్లు అర్జున్ అప్పుడప్పుడు సర్ప్రైజ్ పోస్టులు షేర్ చేస్తూ ఉంటారు. ముఖ్యంగా తన ఫ్యామిలీతో స్పెండ్ చేసిన మెమొరీస్ను ఐకాన్ స్టార్ సోషల్ మీడియా వేదికగా ఫ్యాన్స్తో పంచుకుంటారు.
ముఖ్యంగా తన కూతురు అల్లు అర్హతో ఈ ఐకాన్ స్టార్ చేసే సందడి అంతా ఇంతా కాదు. వీరిద్దరి కాంబినేషన్ అంటే అభిమానులకు ఎంతో ఇష్టం. కొన్నిరోజుల క్రితం బెండకాయ, దొండకాయ నువ్వే నా గుండెకాయ అంటూ అర్హ.. అల్లు అర్జున్తో చేసిన సందడి అప్పట్లో సోషల్ మీడియాలో ఓ సెన్సేషన్. ఇప్పుడు అలాంటి ఓ వీడియో ఒకటి మళ్లీ సోషల్ మీడియాలో ట్రెండ్ అవుతోంది. ఈ సారి డైలాగ్స్తో కాదు అర్హ.. తన డాడీకి ఓ ఛాలెంజ్ విసిరింది. అదేంటంటే..?
గంగిగోవు పాలు గరిటెడైన చాలు అంటూ ఓ పద్యాన్ని పొడుపు కథ అని చెప్పి ఆ పొడుపు కథని విప్పమని అల్లు అర్జున్కి అర్హ సవాల్ విసిరింది. దానికి అల్లు అర్జున్ జున్ను అని చెప్పాడు. నీకెలా తెలుసు ఉంటూ అర్హ ముద్దు ముద్దుగా తన డాడీని అడుగుతుంది. అంతే కాకుండా మరో ఛాలెంజ్ విసురుతుంది అల్లు అర్జున్కి. నాలుగు ఎర్ర లారీలు.. నాలుగు నల్ల లారీలు అని తప్పు లేకుండా ఫాస్ట్గా చెప్పమంటుంది. ఈ ఛాలెంజ్లో ఐకాన్ స్టార్ చిత్తుగా ఓడిపోయాడు. సోషల్ మీడియా ఐకాన్ స్టార్ పోస్టు చేసిన ఈ వీడియోను నెటిజన్లు తెగ లైక్ చేస్తున్నారు.
The Cutest Video on the internet right now!! 🤩❤️
Icon stAAr #AlluArjun having a great time with his adorable daughter #AlluArha ❤️❤️@alluarjun #TeluguFilmNagar pic.twitter.com/jYL7aEvOl5— Telugu FilmNagar (@telugufilmnagar) September 19, 2022
