ఏపీ అసెంబ్లీ సమావేశాలకు ముహుర్తం ఫిక్స్‌ అయింది. రేపు ఏపీ అసెంబ్లీ సమావేశాలు ప్రారంభం కానున్నాయి. అసెంబ్లీ కంటే ముందుగా ఏపీ కేబినెట్ భేటీ ఉంటుంది. ఈ ఆర్ధిక సంవత్సరం మిగిలి ఉన్న కాలానికి బడ్జెట్ కు ఆమోదం తెలపనుంది చంద్రబాబు నాయుడు కేబినెట్. బిఏసీ అనంతరం ఏపీ అసెంబ్లీ సమావేశాలు ప్రారంభం కానున్నాయి. బిఏసీలో అసెంబ్లీ నిర్వహణ, మినిట్స్ పై నిర్ణయం తీసుకోనున్నారు.
అసెంబ్లీ సమావేశాలలో ముందుగా గవర్నర్ ప్రసంగం ఉంటుంది. అనంతరం అసెంబ్లీలో బడ్జెట్ ప్రవేశపెట్టనుంది చంద్రబాబు నాయుడు ప్రభుత్వం. అనంతరం వాయిదా పడనుంది అసెంబ్లీ. రెండు రోజుల తర్వాత మళ్లీ ఏపీ అసెంబ్లీ సమావేశాలు ప్రారంభం కానున్నాయి. ఈ మేరకు అన్ని ఏర్పాట్లు చేస్తున్నారు. అయితే.. రేపు ఏపీ అసెంబ్లీ సమావేశాలు ప్రారంభం కానున్న నేపథ్యంలో… వైసీపీ పార్టీ ఎమ్మెల్యేలు హాజరుకాబోరని అంటున్నారు.
