ఏపీ రైతులకు గుడ్ న్యూస్ చెప్పారు పౌరసరఫరాల శాఖ మంత్రి నాదెం డ్ల మనోహర్. రైతులకు ధాన్యం కొనుగోళ్ల బకాయిలు రూ.672 కోట్లు విడుదలకు ముఖ్యమంత్రి చంద్ర బాబు నాయుడు అధ్యక్షతన మంత్రివర్గంలో నిర్ణయం తీసుకున్నట్లు పేర్కొన్నారు నాదెండ్ల మనోహర్.
దాదాపు 30988 మంది రైతులకు ఈ నిధులు మంజూరు ద్వారా లబ్ది చేకూరనున్నట్లు వెల్లడించారు. 24గంటల్లో రైతుల ఖాతాల్లో బకాయిలు జమ చేయనున్నట్లు ప్రకటించారు. ఇక అటు ఏపీ కేబినెట్ మీటింగ్..ముగిసింది. ఈ సందర్బంగా 12 అంశాలపై చర్చించింది ఏపీ మంత్రివర్గం. ఆంధ్ర ప్రదేశ్ రాష్ట్రానికి పెట్టుబడులు రాకుండా వైసీపీ చూస్తోందని ప్రస్తావించారు మంత్రి పయ్యావుల కేశవ్. ప్రభుత్వ బ్రాండ్ దెబ్బతినేలా వివిధ సంస్థలకు ఈ మెయిల్స్ పెట్టడంపై సీఎం చంద్రబాబు సీరియస్ అయ్యారు. ఆంధ్ర ప్రదేశ్ రాష్ట్రానికి పెట్టుబడులు రాకుండా అడ్డుకోవడంపై ఆగ్రహం వ్యక్తం చేశారు.
