ఆంధ్రప్రదేశ్ సీఎం నారా చంద్రబాబు నాయుడు రేపు హర్యానా లో పర్యటించనున్నారు. నయాబ్ సింగ్ సైనీ హర్యానా ముఖ్యమంత్రిగా రేపు ప్రమాణం చేయనున్నారు. ఈ నేపథ్యంలో నయాబ్ సింగ్ సైనీ ప్రమాణ స్వీకారానికి ఏపీ సీఎం చంద్రబాబుకు ఆహ్వానం అందింది. ఆయన ఆహ్వానం మేరకు ఈ ప్రమాణ స్వీకారానికి సీఎం చంద్రబాబు హజరుకానున్నారు. గురువారం ఉదయం 9 గంటలకు సీఎం
చంద్రబాబు విజయవాడ ఎయిర్ పోర్ట్ నుంచి బయలుదేరి, 11 గంటలకు చంఢీఘర్ చేరుకుంటారు.
మధ్యాహ్నం 12 గంటల నుంచి 2 గంటల మధ్య పంచకుల, సెక్టార్ 5లోని దసరా గ్రౌండ్ కి చంద్రబాబు వెళ్తారు. ఈ క్రమంలో అక్కడ నిర్వహించిన నయాబ్ సింగ్ సెనీ ప్రమాణ స్వీకార కార్యక్రమంలో పాల్గొంటారు. అనంతరం సాయంత్రం 3 గంటల నుంచి రాత్రి 7 గంటల వరకు నిర్వహించే సమావేశంలో పాల్గొంటారు. ఆ తర్వాత రాత్రి 10 గంటలకు అక్కడి నుంచి సీఎం చంద్రబాబు బయలుదేరి విజయవాడకు చేరుకోనున్నారు.
