రేపు పోలవరం పర్యటనకు సీఎం చంద్రబాబు వెళ్లనున్నారు. ఈ సందర్భంగా పోలవరం ప్రాజెక్ట్ పరిస్థితిని పరిశీలించనున్నారు సీఎం చంద్రబాబు.. పోలవరం అధికారులతో సమీక్ష నిర్వహించనున్న ముఖ్యమంత్రి చంద్రబాబు.. పోలవరం ప్రాజెక్ట్ పనుల ప్రారంభంపై ఆదేశాలు ఇవ్వనున్నారు.
కాగా, 2014-19 మధ్య పోలవరం నిర్మాణాన్ని చంద్రబాబు పరుగులు పెట్టించారు. వారం వారం పోలవరం పేరుతో సమీక్షలు నిర్వహించేవారు. ప్రస్తుతం ఆ ప్రాజెక్టులో అనేక సమస్యలు, సవాళ్లు నెలకొన్నాయి. వాటిని కొలిక్కి తీసుకురావాల్సి ఉంది. సాంకేతికంగా అనేక కీలక నిర్ణయాలు తీసుకోవాలి. ఇందుకు కేంద్ర జలసంఘం, కేంద్ర నిపుణులు, అంతర్జాతీయ నిపుణుల సహాకారము అవసరం. తోలుత పోలవరం ప్రాజెక్టును ముఖ్యమంత్రి పరిశీలించి అక్కడి అధికారులతో మాట్లాడి తదనుగుణంగా నిర్ణయాలు తీసుకోవాల్సి ఉంది.
