విజయవాడ: రేపు,ఎల్లుండి ఎపీఎన్జీవో సంఘం 21 వ కౌన్సిల్ రాష్ట్ర మహాసభలు జరగనున్నాయి. ఇందిరాగాంధీ మున్సిపల్ స్టేడియంలో ఈ మహాసభలు నిర్వహించనున్నారు. రేపు ఈ మహాసభకు హాజరుకానున్నారు సీఎం వైఎస్ జగన్. దీంతో ఆదివారం ఏర్పాట్లను పరిశీలించారు ఎపీ ఎన్జీవో అధ్యక్ష కార్యదర్శులు బండిశ్రీనివాస్, శివారెడ్డి.
ఈ సందర్భంగా వారు మాట్లాడుతూ.. రాష్ట్రవ్యాప్తంగా ఉన్న ఎన్జీవోలు, ఆర్టీసీ సహా పబ్లిక్ సెక్టార్లు, పెన్షనర్లు ఈ మహాసభలకు తరలివస్తారని తెలిపారు. ఎలాంటి ఇబ్బందులు తలెత్తకుండా పటిష్ఠ భద్రతా ఏర్పాట్లు చేస్తున్నామన్నారు. ఉద్యోగులు క్రమశిక్షణతో మహాసభను జయప్రదం చేయాలని కోరారు. మహాసభలో ఉద్యోగులకు సంబంధించి పలు సమస్యలపై చర్చించి తీర్మానాలు చేస్తామన్నారు.
