కృష్ణాజిల్లా ఉయ్యూరు రిలయన్స్ స్మార్ట్ లో సరుకు మాయం అయింది. కృష్ణాజిల్లా ఉయ్యూరు రిలయన్స్ మార్ట్ లో ఉద్యోగస్తులు సరుకు మాయం చేసిన ఘటనపై కేసు నమోదు చేశారు ఉయ్యూరు పోలీసులు. ఈ సందర్భంగా ఎస్సై విశ్వనాథ్ మాట్లాడుతూ.. ఉయ్యూరుకు చెందిన ఈడే హర్షిత రిలయన్స్ మార్ట్ లో ఉద్యోగిగా ఉన్నారన్నారు. గేట్ సెక్యూరిటీ వర్కర్ గా వల్లూరి భావన పనిచేస్తుందని తెలిపారు.
గతంలో రిలయన్స్ స్టోర్ లో పని చేసి మానేసిన కొడాలి వనరాజు, ముగ్గురు కలిసి పధకం ప్రకారం, రిలయన్స్ స్టోర్ లో షాపింగ్ చేసిన వస్తువులలో ఈడే హర్షిత కొన్ని వస్తువులకు మాత్రమే బిల్ చేసేదని చెప్పారు. గేట్ కీపర్ అయిన భవన వారి పధకం ప్రకారం కొడాలి వనరాజును గేట్ వద్ద సరిగా తనిఖీ చేయకుండ పంపించేదన్నారు. ఈ విధంగా జరుగుతున్న మోసాన్ని గుర్తించిన మేనేజర్ పోలీసులకు ఫిర్యాదు చేయగా కేసు నమోదు చేశారు పోలీసులు. విచారణ చేపట్టి 12,43,000/- రూపాయలు మోసం జరిగినట్లు గుర్తించామన్నారు పోలీసులు. ముగ్గురిపై కేసు నమోదు చేసిన ఉయ్యూరు టౌన్ పోలీసులు…విచారణ చేస్తున్నారు.
