అంగన్‌వాడీ కేంద్రంలో ఇచ్చే పౌష్టికాహారంలో పాము కళేబరం కలకలం రేపింది. ఈ సంఘటన చిత్తూరు జిల్లాలో చోటు చేసుకుంది. ఈ సంఘటన వివరాల్లోకి వెళితే…అంగన్‌వాడీ కేంద్రంలో ఇచ్చే పౌష్టికాహారంలో పాము కళేబరం బయటపడింది. చిత్తూరు జిల్లా, బంగారుపాళ్యం మండలం, శాంతినగర్ అంగన్‌వాడీ కేంద్రంలో ఈ ఘటన చోటు చేసుకున్నట్లు అధికారులు గుర్తించారు.
పౌష్టికాహారం ప్యాకెట్‌ను ఇంట్లో విప్పి చూస్తే పాము కనిపించడంతో గర్భిణి ఒక్కసారి షాక్ నకు గురైంది. ఈ తరునంలోనే… అంగన్‌వాడీ సూపర్‌వైజర్ సాయంతో సీడీపీఓకు బాధితురాలి ఫిర్యాదు చేశారు. ఇక ఈ ఘటనపై ఉన్నతాధికారులకు సమాచార మిచ్చామన్నారు సీడీపీఓ. అయితే.. అంగన్‌వాడీ కేంద్రంలో ఇచ్చే పౌష్టికాహారంలో పాము కళేబరం కలకలం రేపడం లో అధికారుల నిర్లక్ష్యం ఉందని సామాన్యులు ఫైర్‌ అవుతున్నారు. ఇలాంటి ఆహారం పెడితే.. గర్భిణీ స్త్రీల పరిస్థితి ఏంటనీ ప్రశ్నిస్తున్నారు.
