సూపర్-6కు కట్టుబడి ఉన్నామని… ఆగస్టు-15వ తేదీన అన్న క్యాంటీన్ల ఏర్పాటు చేస్తున్నామని సీఎం చంద్రబాబు నాయుడు ప్రకటన చేశారు.ఇచ్చిన హామీలను ప్రణాళికాబద్దంగా అమలు చేస్తామన్నారు. కలెక్టర్ల కాన్ఫరెన్స్ సీఎం చంద్రబాబు మాట్లాడుతూ… ఐఏఎస్సులుగా ఉన్న వాళ్లకి కలెక్టర్లుగా చేయడం ఓ కల అన్నారు. పని చేయకుంటే గ్యారెంటీ లేదని వివరించారు. ప్రజల కోసం పని చేయాలనుకుంటే కలెక్టర్లకే చాలా చక్కటి అవకాశం అన్నారు.
![](https://cdn.manalokam.com/wp-content/uploads/2024/08/We-are-setting-up-canteens-on-August-15th.jpg)
బెస్ట్ కలెక్టర్ అనిపించుకోవడానికి ప్రతి ఒక్కరూ కృషి చేయాలని… విభజన కంటే ఎక్కువ నష్టం గత ఐదేళ్ల పాలనలో ఏపీకి జరిగిందన్నారు చంద్రబాబు. ప్రభుత్వానికి వచ్చే ఫిర్యాదుల్లో 50 శాతం ఫిర్యాదులు భూ సమస్యలే ఉన్నాయన్నారు. రీ-సర్వేను హోల్డులో పెట్టామని.. సర్వే రాళ్లను గెలాక్సీ గ్రానైట్ రాళ్లతో వేశారని పేర్కొన్నారు. తన ఫొటో వేసుకోవడం కోసం గెలాక్సీ గ్రానైట్ రాళ్లు వేశారని… ప్రస్తుతం ఆర్థిక ఇబ్బందులు ఉన్నాయన్నారు. సంపద సృష్టికి కొత్త విధానాలు అవలంభించాలని కోరారు.