కాసేపట్లో ఎమ్మెల్సీ అభ్యర్థులను ప్రకటించనుంది అధికార టిఆర్ఎస్ పార్టీ. ఎమ్మెల్యే కోటా, గవర్నర్ కోటా అభ్యర్థులను అధికార టిఆర్ఎస్ పార్టీ అధినేత, తెలంగాణ ముఖ్య మంత్రి కల్వకుంట్ల చంద్రశేకర్ రావు ప్రకటన చేయనున్నారు. ప్రస్తుతం తెలంగాణ రాష్ట్రంలో ఎమ్మెల్యే కోటా లో ఆరు, గవర్నర్ కోటా లో ఒకటి ఖాళీ ఉంది. ఎమ్మెల్యే కోటా ఎమ్మెల్సీ అభ్యర్థుల నామినేషన్ కు రేపే చివరి రోజు కావడం గమనార్హం.
ఇందులో భాగంగానే.. ఇవాళ ఎమ్మెల్సీ అభ్యర్థులను ప్రకటించనుంది అధికార టిఆర్ఎస్ పార్టీ. ఇటీవలే గుత్తా, ఫరీ దుద్దీన్, ఆకుల లలిత, కడియం శ్రీహరి, బొడకుంట వెంకటేశ్వర్లు, నేతి విద్యా సాగర్ ల ఎమ్మెల్సీ పదవీ కాలం ముగిసిన సంగతి తెలిసిందే. అయితే.. ఇద్దరు మినహా ఈ సారి కొత్త వారికి ఛాన్స్ ఇచ్చేందుకు తర పార్టీ నిర్ణయం తీసుకుంది. మధుసూధనాచారి, తాడూరి శ్రీనివాస్, కౌశిక్ రెడ్డి, గుత్తా సుఖేందర్ రెడ్డి, తక్కలపల్లి రవీందర్, కడియం శ్రీహరి లేదా ఎర్రోళ్ల శ్రీనివాస్, కోటి రెడ్డిలు ఎమ్మెల్సీ అభ్యర్థుల రేసులో ఉన్నట్లు సమాచారం అందుతోంది. వీళ్ళే ఫైనల్ అయ్యే ఛాన్స్ ఉంది.
