మీరు ఉద్యోగం కోసం చూస్తున్నారా..? అయితే మీకు గుడ్ న్యూస్. రవణాశాఖలో పలు పోస్టులు ఖాళీగా వున్నాయి. ఆసక్తి, అర్హత వున్నవాళ్లు ఈ పోస్టులకి అప్లై చేసుకోవచ్చు. ఇంకా దీని కోసం పూర్తి వివరాల లోకి వెళితే.. ఆంధ్రప్రదేశ్ పబ్లిక్ సర్వీస్ కమిషన్ సారధ్యంలో ట్రాన్స్పోర్ట్ సబార్డినేట్ సర్వీసు లో ఈ పోస్టులు వున్నాయి.
స్త్రీ మరియు పురుష అభ్యర్థులిద్దరూ ఎవరైనా అప్లై చేసుకోవచ్చు. ఇంకా ఈ పోస్టులకి ఎవరు అర్హులు అన్నది చూస్తే.. అప్లై చేసుకునే వారు ఇంటర్, డిగ్రీ, బీటెక్, డిప్లొమా లేదా తత్సమాన కోర్సు చేసి ఉండాలి. ఎంపిక అయినా వాళ్లకి నెలకి ముప్పై నాలుగు వేల రూపాయిల జీతం ఇస్తారు. ఆన్ లైన్ ద్వారా దరఖాస్తు చేసుకోవచ్చు.
అసిస్టెంట్ మోటార్ వెహికల్ ఇన్స్పెక్టర్ పోస్టులు మొత్తం 17 ఖాళీలు ఉన్నాయి. ఈ పోస్టులకి అప్లై చేసుకునే వారు 2022 నవంబర్ 02 నుంచి 22 వరకు అప్లై చేసుకోవచ్చు. రాత పరీక్ష, స్కిల్ టెస్ట్ ఆధారంగా ఎంపిక చేస్తారు. అసిస్టెంట్ మోటార్ వెహికల్ ఇన్ స్పెక్టర్ ఖాళీలు సీఎఫ్ రెండు ఉండగా.. అసిస్టెంట్ మోటార్ వెహికల్ ఇన్ స్పెక్టర్ ఖాళీలు ఫ్రెషర్స్ విభాగంలో 15 వున్నాయి. అప్లై చేసుకునే అభ్యర్థులకు డ్రైవింగ్ లైసెన్స్ తప్పక ఉండాలి. పూర్తి వివరాలను www.psc.ap.gov.in లో చూసి అప్లై చేసుకోవచ్చు.
