నంద‌మూరి బాల‌కృష్ణ ప్ర‌స్తుతం ఆహాలో అన్ స్టాప‌బుల్ ఎన్బీకే అనే టాక్ షో చేస్తున్న సంగ‌తి తెలిసిందే. ఈ టాక్ షో బాప్ ఆఫ్ ఆల్ టాక్ షోలుగా నిలిచింది. త‌న దైన స్టైల్ లో బాల‌య్య రెచ్చిపోతున్నారు. వినోదానికి హ‌ద్దులు లేవంటూ నిరూపిస్తున్నారు. ఇక బాల‌య్య హోస్ట్ కావ‌డంతో ఇండ‌స్ట్రీ నుండి ప్ర‌ముఖులు ఈ టాక్ షోకు వ‌స్తున్నారు. ఇప్ప‌టికే ఈ టాక్ షోకు మ‌హేశ్ బాబు, రాజ‌మౌళి, సుకుమార్, అల్లు అర్జున్, మోహ‌న్ బాబు లాంటి ప్ర‌ముఖులు విచ్చేసి సంద‌డి చేశారు. ఇక సంక్రాంతి సంద‌ర్భంగా ఈ షోకు లైగ‌ర్ టీమ్ వ‌చ్చి సంద‌డి చేసింది.
ఇక ఈ షో ప్రోమో విడుదల కాగా అందులో బాల‌య్య ఓ అభిమానికి వార్నింగ్ ఇచ్చారు. విజ‌య్ దేవ‌ర‌కొండ‌ను తాను మొద‌ట‌గా న‌టించిన సినిమా ఏదంటూ బాల‌య్య ప్ర‌శ్నించారు. దానికి విజ‌య్ త‌డ‌బ‌డ‌గా అక్క‌డే ఉన్న అభిమాని తాత‌మ్మ‌క‌థ అంటూ స‌మాధానం ఇచ్చాడు. దాంతో బాల‌య్య ఆ అభిమానికి వాడు నా చేతిలో అయిపోయాడు…ఖ‌తం అంటూ స‌ర‌దాగా వార్నింగ్ ఇచ్చాడు. అంతే కాకుండా తాను టాక్ షో అన‌గానే మ‌డిక‌ట్టుకుని కూర్చోన‌ని తాను ముందే నిర్వాహ‌కుల‌కు చెప్పాన‌ని తెలిపారు.
