మిగతా రోజులు ఎలా ఉన్నా సరే ఆదివారం మాత్రం ఇంట్లో నాన్‌వెజ్ ఉండాల్సిందే.సండే వచ్చిందంటే చాలు చికెన్ ముక్క లేదా మటన్ బొక్క లేనిదే ముద్ద దిగదు అన్నట్లు ఉంది వ్యవహారం. సండే రోజున హైదరాబాద్ నగర వాసులు చికెన్, మటన్ షాపుల్లో క్యూ కడతారు.
అయితే తాజాగా నగర వాసులకు గ్రేటర్ హైదరాబాద్ మున్సిపల్ కార్పొరేషన్ షాకింగ్ న్యూస్ చెప్పింది.జైనుల ముఖ్య పండుగ మహావీర్ జయంతి సందర్భంగా రేపు జీహెచ్ఎంసీ పరిధిలో చికెన్, మటన్ షాపులు బంద్ చేయాలని జీహెచ్ఎంసీ ఆదేశాలు జారీ చేసింది.మహావీర్ జయంతి పండుగ అనేది జైనులు జరుపుకునే పండుగల్లో అతి ముఖ్యమైన పండగ. మహావీర్ జయంతి ఉన్న సందర్భంగా ఈ ఉత్తర్వులు జారీ చేస్తున్నట్లు జీహెచ్ఎంసీ కమిషనర్ రొనాల్డ్ రాస్ తెలిపారు.
