భూమికా చావ్లా.. ఒకప్పుడు ప్రతి తెలుగు కుర్రాడి కలల రాణి. ఖుషీ సినిమాతో ఈ భామ కుర్రాళ్ల ఫేవరెట్ హీరోయిన్గా మారిపోయింది. దాదాపు ఓ దశాబ్ధమంతా తెలుగు సినిమా తెరను భూమిక ఏలిందని చెప్పొచ్చు. నాగార్జున, వెంకటేశ్ వంటి సీనియర్ హీరోలతో నటిస్తూనే.. మహేశ్ బాబు, ఎన్టీఆర్ వంటి యంగ్ హీరోలతో జతకట్టింది.
యువకుడు సినిమాతో టాలీవుడ్లో ఎంట్రీ ఇచ్చిన భూమిక.. ఖుషి, ఒక్కడు, సింహాద్రి సినిమాలతో బ్లాక్ బస్టర్ హిట్స్ అందుకుంది. ఈ మూవీస్తో తెలుగు సినిమా ఇండస్ట్రీలో భూమిక పేరు మార్మోగింది. ఇక తెలుగు కుర్రాళ్ల మదిలో ఈ బ్యూటీ తన స్థానాన్ని పదిలం చేసుకుంది. అయితే కెరీర్ పీక్లో ఉన్నప్పుడే ఈ భామ 2007లో భరత్ ఠాకూర్ను పెళ్లాడింది. ఇక ఆ తర్వాత సినిమాలకు దూరమైంది.
కొన్నేళ్లు సినిమాల నుంచి బ్రేక్ తీసుకున్న భూమి రీసెంట్గా సెకండ్ ఇన్నింగ్స్ షురూ చేసింది. ఎంసీఏలో నాని వదినగా.. సీటీమార్లో గోపీచంద్కు అక్కగా.. సవ్యసాచిలో నాగ చైతన్యకు అక్కగా నటించింది. నాలుగు పదుల వయసు దాటినా ఈ భామ అందం ఇంకా చెక్కుచెదరలేదు.
పాలరాతి లాంటి సొగసుతో భూమిక కుర్రాళ్లను ఇంకా కవ్విస్తోంది. తాజాగా భూమిక గ్రీన్ కలర్ ఫ్రాక్లో ఫొటోషూట్ చేసింది. ఈ ఫొటోలు చూసిన కుర్రాళ్లు.. భూమిక అప్పుడు.. ఇప్పుడు ఒకేలా ఉంది. ఏం మారలేదు.. సో క్యూట్ అంటూ కామెంట్లు పెడుతున్నారు.
