తెలంగాణలో మరో పెను సంచలనం చోటుచేసుకుంది. ఒకరు కాదు ఇద్దరు కాదు ఒకేసారి ముగ్గురు బాలికలు కనిపించకుండా పోయారు. ఈ ఘటన నిజామాబాద్ జిల్లాలో తీవ్ర కలకలం రేపుతోంది. నవీపేట్ మండల కేంద్రానికి చెందిన ముగ్గురు బాలికలు గురువారం ఉదయం పాఠశాలకు వెళ్తున్నామని చెప్పి ఇంట్లో నుంచి బయటకు వెళ్లారు.
సాయంత్రమైనా వారు ఇంటికి తిరిగి రాకపోవడంతో బాలికల తల్లిదండ్రులు స్థానిక పోలీస్ స్టేషన్‌లో ఫిర్యాదు చేశారు. ఈ మేరకు కేసు నమోదు చేసిన పోలీసులు బాలికల ఆచూకీ కోసం తీవ్రంగా వెతుకుతున్నట్లు సమాచారం. ఈ ముగ్గురు కలిసి ఏటైనా వెళ్లారా? లేదా ఒకేసారి ముగ్గురిని ఎవరైనా కిడ్నాప్ చేశారా? అన్న కోణంలో పోలీసులు దర్యాప్తు చేస్తున్నట్లు తెలుస్తోంది.
