నేడు తెనాలిలో సీఎం వైఎస్‌ జగన్ పర్యటించనున్నారు. ఈ సందర్భంగా తెనాలి మార్కెట్ యార్డ్‌లో వైఎస్సార్ రైతు భరోసా మూడవ విడత నిధులను బటన్ నొక్కి లబ్ధిదారులకు పంపిణీ చేయనున్నారు ఏపీ సీఎం జగన్ మోహన్‌ రెడ్డి.
ఇందులో భాగంగానే, నేడు ఉదయం 9.50 గంటలకు తాడేపల్లి నివాసం నుంచి బయలుదేరినున్న ముఖ్యమంత్రి జగన్…. ఉదయం10.35 గంటలకు తెనాలి వ్యవసాయ మార్కెట్ యార్డ్‌ ప్రాంగణంలోని బహిరంగ సభా వేదికకు చేరుకోనున్నారు. నాలుగో ఏడాది మూడో విడత వైఎస్సార్ రైతు భరోసా – పీఎం కిసాన్ లో భాగంగా వర్చువల్ గా రైతుల ఖాతాల్లో డబ్బులు జమ చేయనున్నారు. ఇక నేడు మధ్యాహ్నం 1.10 గంటలకు తాడేపల్లి నివాసాని కి తిరిగి చేరుకోనున్నారు ముఖ్యమంత్రి జగన్ మోహన్‌ రెడ్డి.
