ఆగస్టు 26 అనగా ఆదివారం రక్షాబంధన్ రోజున ఢిల్లీ బస్సుల్లో మహిళలు ఉచితంగా ప్రయాణించే సౌకర్యాన్ని ఢిల్లీ రవాణా కార్పొరేషన్ (డీటీసీ) కల్పిస్తుంది. ఆదివారం ఉదయం 8గంటల నుంచి రాత్రి 10 గంటల వరకు ఏసీ, నాన్ ఏసీ తేడా లేకుండా ఏ బస్సులోనైనా మహిళలు ఉచితంగానే ప్రయాణించే అవకాశం కల్పిస్తూ డీటీసీ నిర్ణయం తీసుకుంది. ప్రయాణీకుల రద్దీని దృష్ట్యా బస్సుల సంఖ్యను మరింత పెంచనున్నట్లు తెలిపింది. ఇప్పటికే ఢిల్లీ మెట్రో మరిన్ని ట్రిప్పులను అందుబాటులో ఉంచాలని భావిస్తోంది.
