Evaru Meelo Koteeswarulu: జూనియ‌ర్ ఎన్టీఆర్ ఓ వైపు వెండి తెర పై స్టార్ హీరోగా సత్తా చాటుతూనే.. మరోవైపు బుల్లి తెర పై వ్యాఖ్య‌త‌గా అలరిస్తున్నాడు. ఇప్పటికే బిగ్ బాస్ లో హోస్ట్ గా చేసిన బుల్లి తెర ప్రేక్షకులను ఆక‌ట్టుకున్న తారక్ .. ఇప్పుడూ ఎవరు మీలో కోటీశ్వరులు షో ని యాంక‌ర్ గా వ్య‌వ‌హ‌రిస్తున్నారు. తారక్ హోస్టింగ్ చేస్తున్న ఎవరు మీలో కోటీశ్వరులు షోకి వరుసగా సెల‌బ్రెటీలు క్యూ కడుతున్నారు. తొలుత ఈ షోకి గెస్ట్ గా.. మెగాస్టార్ రామ్ చ‌ర‌ణ్ పిలిచి రచ్చ రచ్చ చేశాడు జూనియ‌ర్ ఎన్టీఆర్. ఆ త‌రువాత అత్యంత సన్నిహితులైన దర్శకులు రాజమౌళి, కొరటాల శివలను కూడా హాట్ సీటులో కూర్చో బెట్టారు.
దీపావళి పండగల వేళ ప్రత్యేక అతిథులుగా.. సౌత్ టాప్ మ్యూజిక్ డైరెక్టర్స్ దేవిశ్రీ ప్రసాద్, థమన్ లను తీసుకొచ్చారు. ఇందుకు సంబంధించిన షూటింగ్ పూర్తి కాగా.. ప్రోమో కూడా సోషల్ మీడియాలో హల్చల్ చేస్తుంది. ఈ కార్యక్రమంపై మ్యూజిక్ డైరెక్టర్ థమన్ సోషల్ మీడియా వేదికగా కీలక వ్యాఖ్యలు కూడా చేశాడు. ‘మీలో తుంబురుడు, నారదుడు ఎవరు’ అంటూ ప్ర‌శ్నించారు తారక్. అనంత‌రం.. ‘ఎవరు మీలో కోటీశ్వరులు’ పాటను తనదైన శైలిలో పాడారు. దేవిశ్రీ, థమన్ లు. ఇక ‘పంచ్‌ కోసం పంచ్‌ ఇచ్చి ప్రాణాలు తీసేస్తా.. కాన్ఫిడెంట్‌’ అని ఎన్టీఆర్ అంటే, ‘ఓవర్‌ కాన్ఫిడెంట్‌’ అంటూ తమన్‌ చెప్పడంతో నవ్వులు పూశాయి. దీపావళి కానుకగా ఈ స్పెషల్ ఎపిసోడ్‌ ప్రసారం కానుంది.
