సామాజిక భద్రత కోసం అసంఘటిత రంగ కార్మికులకు ఈ-శ్రమ్ లేబర్ కార్డులు ప్రధానమంత్రి నరేంద్రమోదీ కానుక అన్నారు ఎంపీ జీవీఎల్ నరసింహారావు. ఈ-శ్రమ్ నమోదు లక్ష్యం 1.51 కోట్లు కాగా, ఇప్పటి వరకు 70.93 లక్షల కార్డులు మాత్రమే జారీ చేసినట్లు కేంద్ర కార్మిక శాఖ సహాయ మంత్రి వెల్లడించారు.ఈ-శ్రమ్ రిజిస్ట్రేషన్‌లకు రాష్ట్ర ప్రభుత్వం ముందస్తుగా మద్దతు ఇవ్వాలని, ఇది కేంద్ర పథకం కాబట్టి ఉద్దేశపూర్వకంగా నిర్లక్ష్యం చేయవద్దని ఎంపీ జీవీఎల్ అన్నారు.
అసంఘటిత రంగంలోని కార్మికులకు ఈ-శ్రమ్ రిజిస్ట్రేషన్ పథకం ద్వారా అనేక ప్రయోజనాలు చేకూరుతాయని బిజెపి ఎంపి శ్రీ జీవీఎల్ నరసింహారావు అడిగిన ప్రశ్నకు కేంద్ర కార్మిక శాఖ సహాయ మంత్రి శ్రీ రామేశ్వర్ సమాధానం తెలిపారు. ఈ పథకం కింద, ఇ-శ్రమ్ కార్డుదారులు భవిష్యత్తులో ఇతర సామాజిక భద్రతా ప్రయోజనాలతో పాటు రూ.2 లక్షల ఉచిత ప్రమాద బీమా సౌకర్యం పొందుతారు.
రాష్ట్ర ప్రభుత్వం ఈ-శ్రమ్ పథకం కింద 1.51 కోట్ల మంది అసంఘటిత కార్మికులను నమోదు చేయాలని లక్ష్యంగా పెట్టుకుందని, ఇప్పటివరకు కేవలం 70.92 లక్షల మంది వలస కార్మికులను మాత్రమే నమోదు చేశారని కేంద్రమంత్రి తెలిపారు.ఇ-శ్రమ్ రిజిస్ట్రేషన్ల కవరేజీ రాష్ట్రవ్యాప్తంగా చాలా అస్తవ్యస్తంగా ఉంది. రాష్ట్రంలోని 26 జిల్లాల్లో 10 జిల్లాల్లో కవరేజీ దయనీయంగా 30,000 కంటే తక్కువగా ఉంది. జిల్లాల వారీగా కవరేజీని మంత్రి సమాధానంలో అందించారు.
ఈ సందర్భంగా ఎంపీ శ్రీ జీవీఎల్ నరసింహారావు అసంఘటిత కార్మికులకు సామాజిక భద్రత కల్పించినందుకు ప్రధానికి కృతజ్ఞతలు తెలుపుతూ, ఈ పథకం కింద 100% లబ్ధిదారుల నమోదుకు అవసరమైన సహకారం రాష్ట్ర ప్రభుత్వం నుండి అందడం లేదని రాష్ట్రంలోని వైసీపీ ప్రభుత్వాన్ని తప్పుబట్టారు.
వివిధ జిల్లాల్లోని బీజేపీ శ్రేణులు అసంఘటిత కార్మికులకు అవగాహన కల్పించి వారికి ఈ-శ్రమ్ కార్డులు అందజేసేందుకు చురుకుగా సహకరించారని జీవీఎల్ నరసింహారావు పేర్కొన్నారు. రాష్ట్ర ప్రభుత్వం, ప్రత్యేకించి కార్మిక శాఖ సహాయ నిరాకరణ కార్మిక వర్గాలపై వైసీపీ యొక్క ఉదాసీనత, నిర్లక్ష్యానికి నిదర్శనమని ఎంపీ జీవీఎల్ ఆరోపించారు.
