వైసీపీ పార్టీ ఓటమి పై మాజీ సీఎం జగన్ సంచలన వ్యాఖ్యలు చేశారట. మాజీ సీఎం జగన్ ఎన్నికల ఫలితాలు చూసి హిమాలయాలకు వెళ్లాలనుకున్నట్టు తెలుస్తోంది. ఈ విషయాన్ని ఆయనే స్వయంగా పార్టీ నేతలతో చెప్పినట్టు సమాచారం. కానీ 40% ఓట్లు చూసి ఆగిపోయానని వారితో చెప్పారని టాక్ నడుస్తోంది. ‘ఎన్నికల ఫలితాలు ఇచ్చిన షాక్‌ నుంచి బయటపడడానికి నాకు 3 రోజులు పట్టింది. పెద్ద సంఖ్యలో జనాలు మన వెంటే ఉన్నారు.
వారి కోసమైనా నిలబడాలి అనుకున్నా’ అని మాజీ సీఎం జగన్ చెప్పినట్లు వార్తలొస్తున్నాయి. కాగా మొన్న జరిగిన అసెంబ్లీ ఎన్నికల్లో… వైసీపీ పార్టీ అత్యంత దారుణంగా ఓడిపోయిన సంగతి తెలిసిందే. ఈ ఎన్నికల్లో… కేవలం 11 స్థానాలకే పరిమితమైంది వైసిపి పార్టీ. అటు నాలుగు ఎంపీలను మాత్రమే గెలుచుకుంది. 175 స్థానాలకు 175 స్థానాలు గెలుచుకుంటానని…మాజీ సీఎం జగన్మోహన్ రెడ్డి తరచూ చెప్పేవారు. కానీ ఆ ఆశలన్నీ ఆవిరయ్యాయి.
