నాన్న మెగాస్టార్.. నాన్న సూప‌ర్ స్టార్.. రోజంతా క‌ష్ట‌ప‌డి ఇంటికి వ‌చ్చిన నాన్న ఇన్ని రూపాల్లో మ‌న‌కు క‌నిపిస్తాడు. నాన్న మ‌న‌కు రంగుల క‌ల. క‌ల‌లను నిజం చేసే రూపం కూడా ! నాన్న విజేత‌ల‌ను సృష్టిస్తాడు. అమ్మ ఆ విజేత‌ల పాదాలకు న‌డ‌వ‌డి నేర్పి పంపుతుంది. శ‌క్తి నాన్న.. శ‌క్తి కి తోడు అమ్మ.. రెట్టించిన శ‌క్తిని త‌ల్లీ తండ్రీ ఇచ్చి ఈ లోకంలో కొన్ని మంచి ప‌నులు చేయాల‌ని ఆదేశిస్తున్నారు.
నాన్న రైతు.. పుట్టెడు దుఃఖం అదిమి పెట్టుకుని పంట సాగుకు కృషి చేసిన రుషి. అటువంటి నాన్న మన జీవితాన్ని ఏమ‌యినా మార్చాడా ? ప్ర‌భావితం కావ‌డంతోనే మంచి ఫ‌లితాలు వ‌స్తాయి. రైతు ఇంట బిడ్డలు దేశాన్ని న‌డుపుతున్నారు. ఓ మామూలు పారిశుద్ధ్య కార్మికుడి బిడ్డ ఈ దేశాన్ని శాసించే శ‌క్తిమంతం అయిన స్థితికి చేరుకుంటున్నాడు. అంటే ఈ బిడ్డ‌ల‌ను త‌యారుచేసిన నాన్న‌లే గొప్ప‌వారు. నాన్న‌కు తోడుగా నిలిచిన అమ్మ గొప్ప‌వారు. ఈ రోజు ఫాద‌ర్స్ డే.. నాన్న కోసం ఏమ‌యినా చేయ‌డం చిన్న మాట.. నాన్నంత‌టి నాన్న కావ‌డంలో జీవిత ప‌ర‌మార్థం దాగి ఉంది. అదొక్క‌టీ తెలిస్తే చాలు. మీరు గొప్ప‌వారు కావొచ్చు. లేదా మీ సామాన్య స్థితి లేదా స‌హ‌జ స్థితి మీకు అర్థం అయి ఉంటే చాలు.
