ఆంధ్రప్రదేశ్, అలాగే తెలంగాణ రాష్ట్ర ప్రజలకు… బిగ్ అలర్ట్. ఇవాల్టి నుంచి ఆంధ్రప్రదేశ్ అలాగే తెలంగాణ రాష్ట్రంలో భారీ నుంచి అతి భారీ వర్షాలు పడతాయని వాతావరణ శాఖ హెచ్చరికలు జారీ చేసింది. ముఖ్యంగా ఆంధ్రప్రదేశ్ రాష్ట్రంలో ఇవాల్టి నుంచి మూడు రోజుల నుంచి ప్రమాదకరమైన వర్షాలు పడతాయని అమరావతి వాతావరణ శాఖ వెల్లడించడం జరిగింది.
ఇవాళ అల్లూరి విశాఖ అనకాపల్లి కాకినాడ జిల్లాల్లో అత్యంత భారీ వర్షాలు పడతాయని అంచనా వేసింది ఏపీ వాతావరణ శాఖ. శ్రీకాకుళం విజయనగరం మన్యం కోనసీమ ఉభయ గోదావరి జిల్లాలలో కూడా వర్షాలు పడతాయని అంచనా వేసింది. ఇక తెలంగాణ రాష్ట్ర వ్యాప్తంగా కూడా వర్షాలు పడతాయని హైదరాబాద్ వాతావరణ శాఖ వెల్లడించింది. కొత్తగూడెం, హనుమకొండ, వరంగల్, ములుగు, మహబూబాబాద్ మరికొన్ని ఉత్తర తెలంగాణ జిల్లాల్లో వర్షాలు పడతాయని తెలిపింది.
