కరోనా వైర‌స్ నేప‌థ్యంలో గ‌త మార్చి 22న నిలిచిపోయిన హైద‌రాబాద్ మెట్రో రైలు సేవలు తిరిగి సోమ‌వారం నుంచి ప్రారంభ‌మ‌య్యాయి. 168రోజుల త‌ర్వాత ఈ రోజు ఉద‌యం 7గంట‌ల‌కు మెట్రో రైళ్లు ప్రారంభ‌య్యాయి. ఉద‌యం 7గంట‌ల నుంచి మ‌ధ్యాహ్నం 12గంట‌ల వ‌ర‌కు, ఆ త‌ర్వాత సాయంత్రం 4గంట‌ల నుంచి రాత్రి 9గంట‌ల‌కు వ‌ర‌కు మెట్రో సేవలు అందుబాటులో ఉంటాయి.
ఈరోజు కారిడార్ 1 మియాపూర్ నుంచి ఎల్బీన‌గ‌ర్ వ‌ర‌కు సేవలు ప్రారంభించారు. అయితే.. కరోనా వైర‌స్ నేప‌థ్యంలో మెట్రో అధికారులు త‌గు జాగ్ర‌త్త‌లు తీసుకుంటున్నారు. ఎప్ప‌టిక‌ప్పుడు రైళ్ల‌ను శానిటైజ్ చేస్తున్నారు. లాక్‌డౌన్ కార‌ణంగా నిలిచిపోయిన మెట్రోరైళ్లు ఎట్ట‌కేల‌కు ప్రారంభం కావ‌డంతో ప్ర‌యాణికులు ఆనందం వ్య‌క్తం చేస్తున్నారు.
