ప్రపంచాన్ని గడగడలాడిస్తున్న కరోనా వైరస్ ని ముందు నుండి లెక్కచేయని అమెరికా అధ్యక్ష్యుడు ట్రంప్, ఇటీవల కరోనా బారిన పడ్డ సంగతి తెలిసిందే. మూడు రోజుల పాటు సైనిక ఆస్పత్రిలో ఉండి కరోనాకు చికిత్స తీసుకున్న ట్రంప్, ఆ తర్వాత వైట్ హౌస్ చేరుకున్నాడు. అయితే తాజాగా ట్రంప్, కరోనా బారి నుండి బయటపడ్డాడు. ఈ మేరకు వైట్ హౌస్ అధికారికంగా ప్రకటించింది. ఐతే కరోనా నుండి కోలుకున్నాక ట్రంప్ మాట్లాడిన మాటలు వైరల్ అయ్యాయి.
వైద్యులు చెప్పిన దాని ప్రకారం నేను కరోనాని జయించాను. కరోనా సోకకుండా రోగనిరోధక శక్తి కలిగి ఉన్నాను. నా నుండి ఇంకొకరికి కరోనా సోకే అవకాశం లేదు. అందువల్ల గుంపులోకి వెళ్ళి కూడా ప్రతీ ఒక్కరికీ ముద్దు పెట్టేయగలను అని చెబుతున్నాడు. మరి ట్రంప్ కి ఉన్న నమ్మకం అమెరికా వాసులకి కూడా ఉంటుందా అన్నదే సందేహం. నవంబర్ 3వ తేదీన అమెరికా అధ్యక్ష ఎన్నికలు జరగనున్న సంగతి తెలిసిందే.
