ఐదు రాష్ట్రాల్లో కాంగ్రెస్ గెలిస్తే బీజేపీ పాతాలం లోకి వెళ్లాల్సి వస్తుంది అని మోడీ వన్ నేషన్ తీసుకొచ్చాడని రేవంత్ రెడ్డి పేర్కొన్నాడు. దీనిని ఇండియా కూటమి వ్యతిరేకిస్తుందన్నారు. కర్ణాటక ఎన్నికల్లో ప్రధాని నరేంద్ర మోడీ, హోంమంత్రి అమిత్ షా గల్లీ గల్లీ తిరిగారు. కానీ బీజేపీ మాత్రం గెలవలేదు. ప్రజలు బీజేపీని ఓడించి మోడీ కాలం చెల్లింది అని నిరూపించారు.
మరోవైపు మణిపూర్ అల్లర్ల పై అవిశ్వాస తీర్మాణం లో మోడీ రెండున్నర గంటల పాటు కాంగ్రెస్ గురించే మాట్లాడారు అని గుర్తు చేశారు రేవంత్ రెడ్డి. మణిపూర్ గురించి మాట్లాడకుండా ఎందుకు తప్పించుకున్నాడు అని ప్రశ్నించారు. నవంబర్ లో ఐదు రాష్ట్రాల ఎన్నికలు జరగబోతున్నాయి. ఈ ఎన్నికల్లో కూడా కాంగ్రెస్ అధికారంలోకి వస్తుందన్నారు. కాంగ్రెస్ అధికారంలోకి వస్తుందని తెలిసే మోడీ జమిలి ఎన్నికలను తెరపైకీ తీసుకొస్తున్నాడని పేర్కొన్నారు. ఏది ఏమైనా కాంగ్రెస్ అధికారంలోకి రావడం ఖాయమని జోస్యం చెప్పారు రేవంత్ రెడ్డి.
