తనిఖీల సమయంలో 17 ఏళ్ల కుర్రాడిని పోలీసులు కాల్చిచంపిన ఉదంతంతో ఫ్రాన్స్ అట్టుడుకుతోంది. రోజురోజుకు రణరంగంలా మారుతోంది. ఇప్పటికే దేశమంతా ఈ అల్లర్లు వ్యాపించాయి. ఈ నేపథ్యంలో ఫ్రాన్స్లో అల్లర్లను అరికట్టేందుకు ఉత్తర్ప్రదేశ్ ముఖ్యమంత్రి యోగి ఆదిత్యనాథ్ను ఆ దేశానికి పంపాలని జర్మనీకి చెందిన ప్రొఫెసర్, కార్డియాలజిస్టు ఎన్.జాన్ కామ్ ట్వీట్ చేశారు.
పారిస్లో జరుగుతున్న అల్లర్లను యోగి ఆదిత్యనాథ్.. 24 గంటల్లో కట్టడి చేయగలరని జాన్ అన్నారు. జాన్ కామ్ చేసిన ట్వీట్ ప్రస్తుతం సామాజిక మాధ్యమాల్లో వైరల్గా మారింది. ఈ ట్వీట్పై యోగి ఆదిత్యనాథ్ కార్యాలయం స్పందించింది. ‘ప్రపంచంలో ఓ ప్రాంతంలోనైనా తీవ్రవాదం అల్లర్లకు ఆజ్యం పోసినప్పుడు, శాంతి భద్రతలకు విఘాతం కలిగినప్పుడు ఉత్తర్ప్రదేశ్లో నేరస్థులపై ఉక్కుపాదం మోపే ‘యోగి మోడల్’ను అనుసరించాలి. యోగి మోడల్తోనే అల్లర్లను కట్టడి చేయవచ్చు’ అని ట్వీట్ చేసింది.
India must send @myogiadityanath to France to control riot situation there and My God,he will do it within 24 hours.
— Prof.N John Camm (@njohncamm) June 30, 2023
అయితే.. నెటిజన్లు ఆయన ట్విటర్ ఐడీపై అనుమానాలు వ్యక్తం చేశారు. జాన్కామ్ ట్విటర్ హ్యాండిల్ చీటింగ్ కేసులో అరెస్టైన డాక్టర్ నరేంద్ర విక్రమాదిత్య యాదవ్‌కు చెందినదని కామెంట్లు పెడుతున్నారు. మరికొద్ది మంది నెటిజన్లు యోగికి మద్దతు పలుకుతున్నారు.
Whenever extremism fuels riots, chaos engulfs and law & order situation arises in any part of the globe, the World seeks solace and yearns for the transformative "Yogi Model" of Law & Order established by Maharaj Ji in Uttar Pradesh. https://t.co/xyFxd1YBpi
— Yogi Adityanath Office (@myogioffice) July 1, 2023
