మాజీ ప్రధాని షింజో అబే అంత్యక్రియల కోసం టోక్యో వెళ్లిన ప్రధాని నరేంద్ర మోదీ.. జపాన్ ప్రధానమంత్రి ఫ్యుమియో కిషిదతో సమావేశమయ్యారు. పలు అంశాలపై ద్వైపాక్షిక చర్చలు జరిపారు. ఈ సందర్భంగా మోదీ.. మాజీ ప్రధాని షింజో అబేతో ఉన్న అనుబంధాన్ని గుర్తు చేసుకున్నారు.
జపాన్ మాజీ ప్రధానమంత్రి షింజో అబే మరణం విషాదకరమని, వ్యక్తిగతంగా తనకు తీరని లోటన్నారు నరేంద్ర మోదీ. గతంలో తాను జపాన్కు వచ్చినప్పుడు చాలా సమయం మాట్లాడకున్నామని చెప్పారు. అబే.. భారత్, జపాన్ మధ్య ద్వైపాక్షిక సంబంధాలను మరో ఎత్తుకు తీసుకెళ్లారని పేర్కొన్నారు. ఇండో-పసిఫిక్ ప్రాంతంలో మైత్రి బలోపేతానికి ఎంతగానో కృషి చేశారని గుర్తు చేసుకున్నారు. ప్రస్తుత ప్రధాని ఫ్యుమియో కిషిద సైతం అదే తీరును కొనసాగిస్తారనే నమ్మకం తనకు ఉందని చెప్పారు మోదీ. అబే అంత్యక్రియల కోసం జపాన్కు వచ్చిన నరేంద్ర మోదీకి ధన్యవాదాలు తెలిపారు కిషిద.
