సైనికులు ప్రయాణిస్తున్న బస్సుపై ముష్కరులు దాడి చేసిన ఘటనలో 20 మందికి పైగా సైనికులు దుర్మరణం చెందారు. ఈ ఘటన లెబనాన్ రాజధాని బేరూట్లో ఇవాళ తెల్లవారుజామున చోటుచేసుకుంది. అయితే వీరంతా సిరియా సైనికులను తెలిసింది. ఈ దాడిలో అనేక మంది గాయపడ్డారు. ఉగ్రసంస్థ ఐఎస్ఐఎస్ ఈ దాడులకు పాల్పడినట్లు తెలుస్తోంది.
బ్రిటన్ కేంద్రంగా పనిచేస్తున్న సిరియన్ అబ్జర్వేటరీ ఫర్ హ్యూమన్ రైట్స్ సంస్థ.. ఈ ఘటనలో 23 మంది సిరియా సైనికులు మరణించారని, 10 మంది గాయపడ్డారని తెలిపింది. మరోవైపు, తూర్పు సిరియాకు చెందిన వ్యక్తి.. ఈ దాడిలో 20 మంది సైనికులు మరణించారని తెలిపారు.
ఐఎస్ఐఎస్ ఆధీనం నుంచి 2017లో ఇరాన్, 2019లో సిరియా బయటపడ్డాయి. అప్పటి నుంచి సిరియాలో వరుస దాడులు జరుగుతున్న విషయం తెలిసిందే. గత కొంతకాలంగా సిరియాపై ఐఎస్ఐఎస్ ఉగ్రసంస్థ దాడులకు పాల్పడుతోంది. అలాగే స్లీపర్ సెల్స్తో దాడులు చేయిస్తోంది. గతేడాది ఫిబ్రవరిలో సెంట్రల్ టౌన్ సుఖ్నా సమీపంలో కార్మికులపై స్లీపర్ సెల్స్తో దాడి జరిగిన ఘటనలో 53 మందిని చంపారు.
