ఇండియన్ ప్రీమియర్ లీగ్ 17వ సీజన్ లో భాగంగా ఇవాళ రాయల్ చాలెంజర్స్ బెంగళూరు , సన్ రైజర్స్ హైదరాబాద్ మధ్య మ్యాచ్ జరుగుతుంది. ఇక ఈ మ్యాచ్లో రాయల్ చాలెంజర్స్ బెంగళూరు టాస్ గెలిచి బౌలింగ్ ఎంచుకుంది. ఇండియన్ ప్రీమియర్ లీగ్ చరిత్రలోనే సన్రైజర్స్ అత్యధిక స్కోరు నమోదు చేసింది. నిర్ణీత 20 ఓవర్లలో 3 వికెట్ల నష్టానికి 287 పరుగులు చేసింది. దళిత బ్యాటింగ్ ఆరంభించిన సన్రైజర్స్ బ్యాటర్లు రాయల్ చాలెంజర్స్ బెంగళూరు బౌలర్లను ఓ రేంజ్ లో ఆటాడుకున్నారు.ఈ ఏడాదే ముంబైపై 277 రన్స్ చేసిన సన్ రైజర్స్ హైదరాబాద్ , ఆ రికార్డును బద్దలుకొట్టింది కమిన్స్ సేన. హెడ్, క్లాసెన్ వీర విహారంతో బెంగళూరు బౌలర్లు తేలిపోయారు.
కేవలం 20 బంతుల్లో హాఫ్ సెంచరీ పూర్తి చేసుకున్న హెడ్, ఆ తర్వాత కూడా సిక్సులు, ఫోర్లతో విరుచుకుపడి 39 బంతుల్లోనే సెంచరీ సాధించాడు. 8 సిక్సర్లు, 9 ఫోర్లతో వీర విహారం చేశాడు.మరో ఓపేనర్ అభిషేక్ 22 బంతుల్లో 34 పరుగులు చేశారు. వీరిద్దరూ కలిసి తొలి వికెట్ కు సెంచరీ భాగస్వామ్యం నెలకొల్పారు. క్లాసేన్ 67 పరుగులు, మార్కరం 32, సామద్ 37 పరుగులు చేశారు.
