సుప్రీంకోర్టు షాక్… కాంవడ్ యాత్ర రద్దు చేసిన ప్రభుత్వం

యూపీ: కాంవడ్ యాత్రపై ప్రభుత్వం కీలక నిర్ణయం ప్రకటించింది. ఈ యాత్రను రద్దు చేస్తున్నట్లు వెల్లడించింది. కరోనా కారణంగా ఈ నిర్ణయం తీసుకున్నట్టు స్పష్టం చేసింది. కరోనా థర్డ్ వేవ్ ముప్పు పొంచి ఉందన్న నిపుణుల సూచనతో కాంవడ్ యాత్రను రద్దు చేసినట్లు ప్రభుత్వం తెలిపింది. కాంవడ్ యాత్రకు అనుమతించడంపై ఓ భక్తుడు సుప్రీంకోర్టులో పిటిషన్ దాఖలు చేశారు. కరోనా నేపథ్యంలో యాత్రకు అనుమతివ్వడంపై అభ్యంతరం వ్యక్తం చేశారు.

ఈ పిటిషన్‌ను స్పీకరించిన కోర్టు కాంవడ్ యాత్రకు అనుమతులివ్వడంపై సోమవారంలోపు వివరణ ఇవ్వాలని ప్రభుత్వాన్ని కోర్టు ఆదేశించింది. నోటీసులు జారీ చేసింది. ఈ నోటీసుల దృష్ట్యా కాంవడ్ యాత్రను రద్దు చేసినట్లు ప్రభుత్వం నిర్ణయం తీసుకుంది. దీంతో ఈ యాత్రను విరమించుకున్నట్లు నిర్వాహకులు ప్రకటించారు.

 

కాగా జల ప్రాణాల కన్నా విశ్వాసాలు గొప్పవి కావని సుప్రీంకోర్టు తెలిపింది. కరోనా వ్యాప్తి దృష్ట్యా ఉత్తరప్రదేశ్‌ ప్రభుత్వం కాంవడ్‌ యాత్ర నిర్వహించడాన్ని అనుమతించబోమని వ్యాఖ్యానించింది. యాత్ర నిర్వహణపై పునరాలోచించుకోవాలని యూపీ ప్రభుత్వానికి సూచించింది.