కేజీఎఫ్ 2 బాక్సాఫీస్ రికార్డులను తిరగరాస్తోంది. బాలీవుడ్ పరిశ్రమకే చెమటలు పట్టిస్తోంది. అంతా ఈ సినిమా నార్త్, సౌత్ అని తేడా లేకుండా విజయవిహారం చేస్తోంది. అయితే కేజీఎఫ్ లవర్స్ కు మరో గుడ్ న్యూస్. కేజీఎఫ్ 3 ఉంటుందని ఇప్పటికే ప్రశాంత్ నీల్ హింట్ ఇవ్వగా… తాజాగా నిర్మాత విజయ్ కిర్గందూర్ ఓ ఇంటర్వ్యూలో కేజీఎఫ్ 3 ఉంటుందని ధ్రువీకరించాడు. 
‘కెజిఎఫ్3’ ని ఈ ఏడాది చివరలో ఆరంభిస్తాడని సమాచారం. దీనిని డిసెంబర్ 2022లో లాంఛనంగా ఆరంభించబోతున్నట్లు నిర్మాత విజయ్ కిర్గందూర్ ఓ ఇంటర్వ్యూలో ధృవీకరించారు. ప్రస్తుతం ప్రశాంత్ ప్రభాస్ ‘సాలార్’ సినిమాతో బిజీగా ఉన్నాడు. నవంబర్ కల్లా ఇది పూర్తవుతుందని, ఆ తర్వాత ‘కెజిఎఫ్3’పై దృష్టిసారిస్తారట. అంతే కాదు ప్రశాంత్ నీల్ ఇటీవల ఎన్టీఆర్ 31 కోసం జూనియర్ ఎన్టీఆర్‌తో ఫోటోషూట్ కూడా చేసాడు. ఈ సినిమాకు సంబంధించి అధికారిక ప్రకటన ఈ నెల 20న జూనియర్ ఎన్టీఆర్ పుట్టినరోజు సందర్భంగా వెలువడే అవకాశం ఉంది. ఒక వేళ ‘కేజీఎఫ్ 3’ ని ఆరంభిస్తే ఎన్టీఆర్ సినిమా మరి కాస్త ఆలస్యం అయ్యే ఛాన్స్ ఉంది. ఏం జరుగుతుందో చూడాలి.
