జన సేన పార్టీ అధినేత పవన్ కల్యాణ్ కి ఏపీ మంత్రి కొడాలి నాని కౌంటర్ ఇచ్చారు. పవన్ కళ్యాణ్ నువ్వు జీవితంలో ఎప్పుడు జగన్ ను ఓడించలేవని సవాల్ విసిరారు. సిఎం జగన్ మోహన్ రెడ్డి ని పవన్ కళ్యాణ్.. మాజీ ముఖ్యమంత్రి ని చేస్తే రాజకీయాల నుండి తప్పు కుంటానని స్పష్టం చేశారు. చంద్రబాబు బూట్లు నాకే వ్యక్తి పవన్ కళ్యాణ్ అని మండిపడ్డారు. పవన్ కళ్యాణ్ ముందు ఎమ్మెల్యే గా గెలుస్తావో ? లేదో ? చూస్కో అని సవాల్ విసిరారు. 2024 లో నువ్వు ఏం చేస్తావో చూద్దామని హెచ్చరించారు.
చంద్రబాబు, బీజేపీ, కాంగ్రెస్ పార్టీ తో కలిసి పవన్ కళ్యాణ్ రావాలని పేర్కొన్నారు. పవన్ కళ్యాణ్ ఏంటి మమ్మల్ని భయ పెట్టేది ?.. ఇంకో జానీ సినిమా చూపించి భయపెడతాడానని కొడాలి నానీ హెచ్చరించారు. పవన్ కళ్యాణ్ ను చూసి ఆయన అభిమానులు భయపడతారన్నారు. సిఎం జగన్మోహన్ రెడ్డి ఆ నాడు సోనియాగాంధీ కె భయ పడలేదని.. నీవెంటి ఆయన్ను భయపెట్టేదని పవన్ కళ్యాణ్ పై ఆగ్రహం వ్యక్తం చేశారు. పవన్ కళ్యాణ్ స్పీచ్ లకి జనం భయపడతారని.. చంద్రబాబు ఇచ్చే స్క్రిప్టులు చదివి మమ్మల్ని భయపెడతాడా ? అని పవన్ కల్యాణ్ కు చురకలు కొడాలి నాని అంటించారు.
