యాదాద్రి జిల్లా : మాజీ ముఖ్యమంత్రి స్వర్గీయ వైఎస్ రాజశేఖర్ రెడ్డి 72 వ జయంతి సందర్భంగా భువనగిరి వద్ద వైస్సార్ విగ్రహానికి పూల మాలలు వేసి నివాళులు అర్పించారు ఎంపీ కోమటిరెడ్డి వెంకటరెడ్డి. ఈ సందర్బంగా పీసీసీ పదవిపై ఎంపీ కోమటిరెడ్డి మరోసారి కీలక వ్యాఖ్యలు చేశారు.
అన్ని అర్హతలు ఉండి పదవి ఇవ్వకుంటే బాధ ఉంటుందని… బాధ ఉన్నంత మాత్రాన పార్టీ మారతారా ? పేర్కొన్నారు. ఆ బాధ తోనే అప్పుడు అలా మాట్లాడానని పేర్కొన్న కోమటిరెడ్డి… చాలా పార్టీల నుంచి ఆఫర్ వచ్చినా పోలేదని స్పష్టం చేశారు. గతంలో మంత్రి పదవికే తాను రాజీనామా చేసానని.. కోమటిరెడ్డి వెంకటరెడ్డి కి ఏ పదవి అవసరం లేదని వెల్లడించారు.
భువనగిరి ఎంపీ గా రూపాయి ఖర్చు లేకుండా కాంగ్రెస్ కార్యకర్తలు గెలిపించారని… నాకు పార్టీ మార్చే అవసరం లేదన్నారు. పార్టీలో గ్రూపులు కట్టే అవసరం తనకు లేదని… మోసం చేసే అలవాటు అసలే లేదని పేర్కొన్నారు.
