ఏ చిత్ర పరిశ్రమలో అయినా సరే హీరోలకు .. హీరోలకు మధ్య పోటీ ఉన్నట్టుగానే హీరోయిన్లకు కూడా పోటీ అనేది గట్టిగా ఏర్పడుతూ ఉంటుంది. ముఖ్యంగా ఈ పోటీ అనేది వరుస సినిమాలలో నటించడానికి లేదా పెద్ద పెద్ద స్టార్ హీరోల సినిమాలలో అవకాశాలు రావడానికి.. ముఖ్యంగా పారితోషకం విషయంలో కూడా ఈ పోటీ చాలా గట్టిగా ఉంటుందని చెప్పవచ్చు. ఇక ఈ క్రమంలోని టాలీవుడ్ సినీ ఇండస్ట్రీలో కూడా గతంలో సీనియర్ హీరోయిన్లకు ఎలాగైతే పోటీ ఉండేదో ఇప్పుడు యంగ్ హీరోయిన్లకు కూడా అలాగే పోటీ ఏర్పడుతోంది. ఇక ఈ క్రమంలోనే కన్నడ నుంచి వచ్చిన ఇద్దరు స్టార్ హీరోయిన్ లకి టాలీవుడ్ లో పోటీ ఏర్పడడం గమనార్హం.
ఇక వారెవరో కాదు కొత్త హీరోయిన్లుగా కన్నడ ఇండస్ట్రీ నుంచి వచ్చిన.. కృతి శెట్టి అలాగే శ్రీ లీల.. ఇకపోతే ఉప్పెన సినిమాతో తెలుగు సినీ ఇండస్ట్రీకి పరిచయమైన కృతి శెట్టి మొదటి సినిమాతోనే భారీ స్థాయిలో పాపులారిటీని సొంతం చేసుకుంది. ఇక ఆ తరువాత ఈమెపై పెద్ద హీరోలు అలాగే దర్శకుల చూపు పడిందని చెప్పవచ్చు . అందుకే ఆమెను తమ సినిమాలలో పెట్టుకోవడానికి ఆసక్తి చూపిస్తున్నారు. ఇకపోతే వరుస సినిమాలలో స్టార్ హీరోల సరసన నటించే అవకాశాన్ని సొంతం చేసుకుంటూ రేసులో మొదటి స్థానంలో నిలిచింది ఈ ముద్దుగుమ్మ. ఇక అలా అందం, అభినయంతో మంచి ఎక్స్ప్రెషన్స్ తో స్టార్ హీరోయిన్ గా మారిపోయింది ఈ ముద్దుగుమ్మ. ఇకపోతే కోట్లాదిమంది ప్రేక్షకుల అభిమానాన్ని సొంతం చేసుకున్న కృతి శెట్టి ఏ రేంజ్ కు ఎదుగుతుందో చూడాలి.
ఇక మరొక హీరోయిన్ శ్రీ లీల. మొదటి సినిమాతోనే దర్శకేంద్రుడి దర్శకత్వంలో నటించే అవకాశాన్ని సొంతం చేసుకున్న ఈమె పెళ్లి సందడి సినిమాతో భారీ స్థాయిలో పాపులారిటీని సొంతం చేసుకుంది. ఇక ఈ సినిమా తర్వాత ఆమె రెండవ సినిమా ఒక పెద్ద హీరోతో నటించే అవకాశాన్ని సొంతం చేసుకోవడం గమనార్హం. ఏకంగా బాలకృష్ణ సినిమాలో నటించే అవకాశాన్ని సొంతం చేసుకోవడంతో శ్రీ లీల క్రేజ్ ఏ స్థాయిలో ఉందో అర్థం చేసుకోవచ్చు. ఇక ఇద్దరిలో ఎవరు బెస్ట్ అనే విషయానికి వస్తే స్టార్ హీరోల సరసన నటించే అవకాశాలను కృతి శెట్టి సొంతం చేసుకుంటే ఏకంగా సీనియర్ స్టార్ సినిమాలలో నటించే అవకాశాన్ని శ్రీలీల సొంతం చేసుకుంటుంది. మొత్తానికైతే ఎవరికి వారు తమ పర్ఫామెన్స్ ని చూపిస్తున్నారని చెప్పవచ్చు.
