బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి హరీశ్ రావులపై మల్కాజిగిరి మాజీ ఎమ్మెల్యే మైనంపల్లి హన్మంతరావు సంచలన వ్యాఖ్యలు చేశారు. వీరిద్దరూ 300 మందికి జీతాలిచ్చి మరీ సోషల్ మీడియాలో ఫేక్ కంటెంట్‌‌ను వైరల్ చేయిస్తున్నారని ఆరోపించారు. కేటీఆర్‌కు మెదడు మోకాలులో ఉందని మండిపడ్డారు.నేను క్రికెట్ ఆడుతూ కింద పడిన వీడియోను సోషల్ మీడియాలో తెగ వైరల్ చేస్తున్నారని ధ్వజమెత్తారు.
సచిన్ టెండూల్కర్ లాంటి వాడే క్రికెట్ ఆడుతూ కింద పడ్డాడు..నేను పడితే ఏమైంది? పాపం మేము బలవంతం చేసినా ఏసీపీ సీఎం జన్మదిన వేడుకల్లో పాల్గొనలేదు.
పక్కన నిలబడిన పాపానికి ఆయన ఉసురు పోసుకుంటున్నారు.కేటీఆర్ చమ్చాలు చేసిన భూ దందాల భాగోతం అంతా నా దగ్గర ఉందని కాంగ్రెస్ నేత మైనంపల్లి హనుమంతరావు చేసిన కామెంట్స్ ప్రస్తుతం వైరల్ అవుతోంది.
