ప్రముఖ కోలీవుడ్ డైరెక్టర్ మణిరత్నం తాజాగా తెరకెక్కించిన చిత్రం పొన్నియన్ సెల్వన్ 1.. సెప్టెంబర్ 30న విడుదలైన ఈ చిత్రం భారీ విజయాన్ని సొంతం చేసుకుంది. ఈ క్రమంలోనే ఇప్పుడు పొన్నియన్ సెల్వన్ 2 చిత్రాన్ని కూడా విడుదల చేయడానికి రిలీజ్ డేట్ ని కూడా ప్రకటించారు. ఈ చిత్రాన్ని వచ్చే ఏడాది 2023 ఏప్రిల్ 28న రిలీజ్ చేస్తున్నట్టు ప్రకటించడం జరిగింది. మొదటి పార్ట్ తో విజయాన్ని అందుకున్న మణిరత్నం రెండవ పార్టుతో ఏ రేంజ్ లో అలరించనున్నాడో చూడాల్సి ఉంది. ఇదిలో ఉండగా తాజాగా జరుగుతున్న పరిణామాలను బట్టి చూస్తే రాజమౌళి సెంటిమెంట్ ను మణిరత్నం ఫాలో అవుతున్నారని తెలుస్తోంది.
అసలు విషయం ఏమిటంటే.. బాహుబలి 2 కూడా ఇదే డేట్ లో విడుదలై అదరగొట్టింది. దీంతో సెకండ్ పార్ట్ రిలీజ్ విషయంలో మణిరత్నం రాజమౌళి సెంటిమెంట్ నే కాకుండా ఏప్రిల్ 28 సెంటిమెంట్ ని ఫాలో అవుతున్నారని కామెంట్లు వినిపిస్తున్నాయి. ఈ చిత్రానికి ఏ ఆర్ రెహమాన్ సంగీతం అందిస్తుండగా.. లైకా ప్రొడక్షన్స్ వారు నిర్మిస్తున్నారు. ఇకపోతే పొన్నియన్ సెల్వన్ మొదటి భాగం విషయానికి వస్తే బాక్సాఫీస్ దగ్గర మంచి వసూళ్ళను రాబట్టింది. కానీ తెలుగులో పెద్దగా ఆకట్టుకోలేకపోయింది.
దీనికి ఆ తమిళ నేటివిటీ ప్రధాన కారణం అని అంటున్నారు ట్రేడ్ పండితులు. అయితే తమిళంలో మాత్రం భారీ వసూళ్లను రాబట్టింది. జయం రవి, కార్తీ, విక్రమ్, ఐశ్వర్యారాయ్, త్రిష లాంటి భారీ తారాగణంతో తెరకెక్కించిన ఈ చిత్రం ఇప్పుడు అమెజాన్ ప్రైమ్ లో స్ట్రీమింగ్ అవుతోంది. ప్రపంచవ్యాప్తంగా ఈ చిత్రం రూ.496 కోట్ల గ్రాస్ వసూలు చేసి.. రికార్డు సృష్టించింది. మరి రెండవ భాగంతో ఎలాంటి విజయాన్ని అందుకుంటుందో చూడాలి. అలాగే రాజమౌళి స్ట్రాటజీని ఫాలో అవుతున్న మణిరత్నంకి వర్కౌట్ అవుతుందో లేదో కూడా తెలియాలంటే ఎదురు చూడాల్సిందే.
